हेटौंडा। हेटौडा १५ रातोमाटेटेको ओरालो चुरियामाई मन्दिर नजिक आज प्रदेश – २-०३-००१ ख ६७८० नम्बरको मालवाहक कन्टेनर गाडी दुर्घटना हुँदा पूर्व पश्चिम राजमार्ग पूर्णरूपमा अवरुद्ध भएको छ।

मालवाहक कन्टेनर गाडी बीरगञ्जबाट काठमाडौँ जाँदै गर्दा हेटौडाको १५ रातोमाटेको चुरियामाई मन्दिर नजिक दुर्घटना भएको हो ।

कन्टेनर गाडी चालक मकवानपुर जिल्लाको मनहरी गाउँपालिका ६ बस्नेमा वर्ष ३० को महेश मोक्तान घाइते भएको र उपचारका लागि हेटौडा अस्पताल लागेको प्रहरीले जनाएको छ।

पूर्व पश्चिम राजमार्ग अन्तर्गत बीचको मेन पोइन्टमा भएको दुर्घटनाले गर्दा सवारी आवागमनलाई निकै अप्ठ्यारो परेको जसको कुनै विकल्प वैकल्पिक बाटो राजमार्ग नहुँदा समस्या परेको जिल्ला ट्राफिक प्रहरी कार्यालयले जनाएको छ।

दुर्घटना ग्रस्त कन्टेनर गाडीले मोबिल बोकेर काठमाडौँतर्फ जाँदै गरेको अवस्थामा हेटौडा १५ रातोमाटे चुरियामाई मन्दिर नजिक दुर्घटना हुन गएको थियो ।