मकवानपुर । मकवानपुर जिल्लाको मनहरी गाउँपालिका ६ मा पर्ने प्रतापुरमा आज साबेलको प्रहारबाट एक जनाको मृत्यु भएको छ।

मृत्यु हुनेमा सो गाउँपालिका ६ प्रतापुरका वर्ष ५० का जितबहादुर मोक्तान रहेको प्रहरीले जानकारी दिएको छ ।

आफ्नै घरमा सुतिरहेका साथी जितबहादुर मोक्तानलाई बिहीवार राति प्रतापुर लच्काका वर्ष ३४ को अम्मर बहादुर लोप्चनले सुतिरहेको अवस्थामा एक्कासी साबेल प्रहार गर्दा उनको मृत्यु भएको हो।

लोप्चनको साबेलको प्रहारबाट घाइते भएका जितबहादुर मोक्तानलाई टाउको र दुबै खुट्टामा गम्भीर चोट लागेको अवस्थामा प्रहरीले उपचारको लागि चितवन अस्पताल भरतपुर पठाएको जानकारी दिएको छ ।

घाइते अवस्थामा चितवन भरतपुर पठाएको जितबहादुर मोक्तानलाई उपचार क्रममा उनको भरतपुर चितवनमा मृत्यु भएको प्रहरीले जनाएको छ।

जिल्ला प्रहरी कार्यालय मकवानपुरका अनुसार; अम्मर बहादुर लोप्चन र जितबहादुर मोक्तान दुवैजना साथीसाथी भएको र दुवै जना ज्याला मजदुरी काम गर्ने अनि साथी अम्मरको घरमा जितबहादुर सुत्ने गरेको खुलासा भएको छ।

प्रहरीले भने अभियुक्त लोप्छ्नलाई नियन्त्रणमा लिएको छ । नियन्त्रण पश्चात् घटनाबारे अनुसन्धान भइरहेको प्रहरीले जानकारी दिएको छ ।