हेटौंडा। बागमती प्रदेशको राजधानी हेटौडामा आज अटोरिक्साको टक्करबाट एक जनाको मृत्यु भएको छ।
हेटौडा ६,चौगडाबाट चुच्चेखोला बजार तर्फ जाँदै गरेको अटोले एक जना पैदल यात्रालाई ठक्कर दिँदा उनको मृत्यु भएको हो। अटो नम्बर ना २ ह २६९२ ले शान्ति टोल बस्ने वर्ष ६८ को जनक राईलाई ठक्कर दिएको थियो।
घाइते राईको उपचार क्रममा भरतपुर मेडिकल कलेज चितवनमा मृत्यु भएको प्रहरीले जनाएको छ। अटो चालक वर्ष ३१ को शंकर कार्कीलाई प्रहरीले नियन्त्रणमा लिएर थप अनुसन्धान गरिएको छ।
