थाइल्याण्ड। थाइल्याण्ड देशले समलिङ्गी विवाहलाई कानुनी मान्यता दिलाएको छ। पूर्वी एसियाली देशमै पहिलोपटक थाइल्याण्ड देशले लामो समयपछि समलिङ्गी विवाहलाई कानुनी मान्यता दिलाएको बीबीसीले जनाएको छ।

समलिङ्गी विवाहलाई कानुनी मान्यता दिलाएपछि थाइल्याण्डका समलिङ्गी जोडीहरू धेरैले खुसी व्यक्त गर्दै विवाह दर्ता गराएका छन्। त्यहाँका अधिकारी व्यक्तिहरूले फोटो बोध र निःशुल्क कप केक सहित एउटा ठूलो पार्टीको आयोजना गरेका थिए। उक्त पार्टीमा धेरै समलेङ्गी जोडीहरू उपस्थित भएर एकअर्कामा खुसी साटसाट गर्दै विवाह दर्ताप्रति उत्साह हुँदै रमाएका छन् । साथमा कार्यक्रम आयोजना गर्ने जिल्लाको अधिकारीहरूले पहिलो समलङ्गी जोडीलाई एउटा उत्साह स्वरूप हवाई टिकट पनि निशुल्क प्रदान गरेका थिए।

थाइल्याण्डले गरेको यस कदम प्रति विश्व आर्थिक मञ्चमा सहभागी हुन स्विट्जरल्याण्डको डाभोसमा रहेकी प्रधानमन्त्री पेतोङतार्न सिनावात्राले “थाइल्याण्डमा इन्द्रेणीको झन्डा माथि उठिरहेको छ ।” भनेर फेसबुकमार्फत जानकारी गराएका थिए। त्यस्तै यस कदमलाई लिएर थाइल्याण्डका पूर्व प्रधानमन्त्री श्रीथा टाविसिनले हामी अमेरिकाभन्दा धेरै खुल्ला विचार भएको टिप्पणी सहित उल्लेख गरेका छन्।

यस कानुनलाई गएको सेप्टेम्बर महिनामा थाइल्याण्डका राजा महा अजिरालोङकोर्नले यो कानुनलाई अनुमोदन गरेका थिए। उक्त कानुनलाई अनुमोदन गरेको मितिले १२० दिनपछि आज समलिङ्गी जोडीहरूले कानुनी मान्यता प्राप्त गर्न सफल भएको हो। पछिल्लो समयमा थाइल्याण्ड यस्तो देशको रुपमा परिचित छन् यौनिक तथा लैङ्गिक अल्पसंख्यक समुदाय रहेका सबै व्यक्तिहरूलाई धेरै महत्त्व दिएको देखिन्छ ।

समलिङ्गी विवाहलाई एउटा कानुनी मान्यता दिलाउनका निमित्त त्यहाँका क्रियाशील सामाजिक अभियन्ताहरूले यस मुद्दालाई विगत एक दशकदेखि निरन्तर प्रयास गर्दै आएका थिए। सामाजिक अभियान्ताहरूले गरेको अर्थक प्रयासपछि आज यो एउटा कानुनी मान्यताको रुपमा हरेक समलिङ्गी जोडीहरूले अवसर पाएको छ ।

अहिले बनेको नयाँ कानुनी प्रावधान अनुसार उल्लेख गरेका कुराहरू यस्ता रहेका छन्। पुरुष महिला पति र पत्नीको सट्टा लैङ्गिक तटस्थ शब्द प्रयोग गर्नसक्ने उल्लेख गरिएको छ। यस कानुन पास भए लगत्तै कानुन बमोजिम पनि तेस्रोलिङ्गी विवाहको अधिकार दिलाएको छ।

थाइल्याण्ड देशले गरेको यस नयाँ कदमप्रति अन्य देशहरूमा रहेका समलिङ्गी जोडीहरू पनि आफू रहेका देशले पनि यस किसिमको कानुनी मान्यता पाउन अपेक्षा राखेको देखिन्छ।