काठमाडौँ। नेपालकै पुरानो अस्पतालहरूमा चिनिने वीर अस्पतालमा अब दुई सिफ्टमा स्वास्थ्य सम्बन्धी सेवालाई लिएर अप्रेसन सेवा सुरु भएको छ।
पछिल्लो समयमा अस्पतालमा बढिरहेको बिरामीहरूको तीव्र चापअनुसार अस्पतालले दिने स्वास्थ्य सम्बन्धी उपचारलाई थप सुदृढीकरण गर्दै यो सेवा सुचारु गर्न थालिएको हो।
अब अस्पतालले नाक,कान,घाँटी,दन्त,युरोलोजी तथा सामान्य अप्रेसन सेवालाई विशेष ध्यानमा राखी आउने सेवाग्राहीलाई स्वास्थ्यमा सरल पहुँच हुन सकोस् भनेर थप प्रभावकारी बनाउनका निमित्त दुई सिफ्टमा काम सुरु गर्न थालिएको बताएको हो। गौतमले आफू अस्पतालको कार्यकारिणी निर्देशक भएलगत्तै एक साताभित्र यस्तो सेवा आरम्भ गर्ने घोषणा गरेका थिए।
अहिले अस्पतालले बिरामीलाई सुविधा दिने हिसाबले केही सेवाहरूमा सरल थप प्रभावकारी बनाउनका निमित्त यो सेवा सुरु गरिएको अस्पतालका निमित्त निर्देशक डाक्टर समाज गौतमले बताए।
यस अघि वीर अस्पतालले आएका सेवाग्राहीहरूलाई स्वास्थ्यमा एक सिफ्टबाट निरन्तर सेवा दिँदै आइरहेको थियो भने अब उक्त सेवालाई बढाएर दुई सिफ्टबाट काम गर्न सुरु गरिएको हो। सङ्घीय अस्पताललाई अब दुई सिफ्टमा ओपिडी सेवा आरम्भ गर्न थालिएको स्वास्थ्य तथा जनसङ्ख्या मन्त्री प्रदीप पौडेलले भनेका थिए। सोही प्रक्रिया अनुसार अस्पतालले पनि कार्ययोजना बनाएर अहिलेको सेवा आरम्भ गरिएको अस्पताल स्रोतले जानकारी दिए।
यस अघि अस्पतालले ओपिडी र सार्वजनिक विदामा सेवा दिँदै आए तापनि अब उक्त सेवा विस्तारलाई थप स्तरीय बनाउनको निम्ति दुवै सिफ्टमा अप्रेसन अब भने सुरु गर्न थालिएको बताएको छ।
हालको बिरामीहरूको तीव्र चापलाई लक्षित गरी दुई सिटमा काम सुरु भएका छन्। बाँकी अरु सेवालाई पनि सोही अनुसार दुई सिटमा लैजाने योजना पनि छ। आन्तरिक जनशक्ति र स्रोतबाटै व्यवस्थापन गरेर यहाँको सेवा थप स्तरीय बनाउने र सेवा प्रभावकारी बनाउन अघि बढ्ने निर्देशक गौतमले बताए।
अहिले जुन किसिमबाट सेवा आरम्भ भएका छन्। यस अघि सेवा पाइरहेका बिरामीहरूले भन्दा अब आउने बिरामीहरुले दुई सिफ्टमा हुने अप्रेसनका कामहरुबाट धेरैभन्दा धेरै लाभ लिन सक्ने गौतमले बताए।
