भारतीय आकाशमा संकट:पाकिस्तानविरुद्ध कारबाहीमा गएका तीन लडाकु विमान दुर्घटनाग्रस्त

काठमाडौँ। भारतले पाकिस्तानविरुद्ध हवाई आक्रमण सुरु गरेलगत्तै अप्रत्याशित घटना भएको छ। भारतीय वायुसेनाका तीनवटा लडाकु विमान रहस्यमय तरिकाले दुर्घटनाग्रस्त भएका छन्। विमानहरूको भग्नावशेष भारतीय भूमिभित्रै भेटिएकाले घटना थप गम्भीर बनेको छ।

यद्यपि, भारतीय सरकार र सेनाले यस विषयमा आधिकारिक रूपमा कुनै जानकारी सार्वजनिक गरेका छैनन्। तर, अन्तर्राष्ट्रिय समाचार माध्यमहरूले भारतीय सुरक्षा स्रोतलाई उद्धृत गर्दै दुर्घटनाको पुष्टि गरेका छन्। समाचारहरूका अनुसार, दुईवटा विमानको भग्नावशेष भारत प्रशासित जम्मू कश्मीरमा र अर्को विमान भारतकै पञ्जाब प्रान्तमा पूर्ण रूपमा क्षतिग्रस्त अवस्थामा फेला परेको छ।

विमानहरू कहिले र कसरी दुर्घटनाग्रस्त भए भन्ने बारे विस्तृत विवरण आउन बाँकी छ। दुर्घटना भएका क्षेत्रमा सञ्चारकर्मीहरूलाई जान रोक लगाइएको छ, जसले घटनालाई थप रहस्यमय बनाएको छ। यद्यपि, दुर्घटनास्थलबाट बाहिरिएका विमानका बाह्य इन्धन ट्याङ्कका केही तस्बिर र भिडियोहरू सार्वजनिक भएका छन्। मुख्य दुर्घटनास्थललाई सुरक्षाकर्मीले घेरा हालेका छन्।

पाकिस्तानसँगको बढ्दो तनावका बीच भएको यो घटनाले भारतीय सुरक्षा संयन्त्रमाथि ठूलो प्रश्न खडा गरेको छ। आफ्नै भूमिभित्र तीनवटा लडाकु विमान कसरी दुर्घटनाग्रस्त भए भन्ने विषय अहिले रहस्यको गर्भमा छ। भारतीय अधिकारीहरूले यस घटनाबारे आधिकारिक जानकारी कहिले सार्वजनिक गर्छन् र दुर्घटनाको वास्तविक कारण के हो भन्ने कुरा जान्न सबै आतुर छन्।

यो घटनाले दुई देशबीचको सम्बन्धलाई थप जटिल बनाउन सक्ने विश्लेषण गरिएको छ।

भारतीय आकाशमा संकट:पाकिस्तानविरुद्ध कारबाहीमा गएका तीन लडाकु विमान दुर्घटनाग्रस्त

Tags:

हेटौँडामा सडक विस्तार: १५ दिने अल्टिमेटम सकिँदै, भोलि डोजर चल्ने तयारी पूरा भएको सहायक सीडीओको स्पष्टिकरण

हेटौंडा सडक विस्तार मुद्दा सर्वोच्चमा: आज इजलास नं. ४ मा पेसी, निर्णायक मोड आउने संकेत

हेटौंडामा सडक सीमा खाली गराउन तयारी तीव्र, होटल व्यवसायीलाई अतिथि नराख्न निर्देशन

हेटौंडामा समाजवादी जेन जि फोर्स मकवानपुर गठन, सुर्य बहादुर गोले संयोजक

अखिल (समाजवादी) मकवानपुरको पाँचौँ पूर्ण बैठक सम्पन्न, २५औँ जिल्ला सम्मेलन आयोजक समिति गठन

अपाङ्गता दिवसको अवसरमा हेटौंडामा रक्तदान कार्यक्रम सम्पन्न, ४० जनाले दिए रक्तदान