नेपालयको २०औँ वार्षिकोत्सव : दुई दिने विशेष पुस्तक मेलासँगै लेखक भेटघाट

काठमाडौँ। पब्लिकेसन नेपालयले आफ्नो स्थापनाको २०औँ वर्षगाँठको अवसर पारेर विशेष छुटसहितको पुस्तक मेला आयोजना गर्ने भएको छ। संस्थाले आफ्ना प्रकाशनहरूमा अधिकतम ६० प्रतिशतसम्म छुट प्रदान गर्ने जनाएको छ।

यही वैशाख २७ र २८ गते, शनिबार र आइतबार, काठमाडौंको कालिकास्थानस्थित नेपालयको कार्यालयमा आयोजना हुने मेलामा पाठकहरूले आफ्ना प्रिय लेखकहरूसँग प्रत्यक्ष भेटघाट गर्ने अवसर समेत पाउनेछन्। पब्लिकेसन नेपालयका प्रमुख कार्यकारी सैजन मास्केले पाठकहरूले आफ्ना रुचाइएका पुस्तकहरू एकै स्थानमा छुट मूल्यमा प्राप्त गर्न सकून् र लेखकहरूसँग साक्षात्कार गर्न पाऊन् भन्ने उद्देश्यले यो पुस्तक मेला आयोजना गरिएको बताइन्।

‘हाम्रो पहिलो प्रकाशन ‘पल्पसा क्याफे’ले पाठकहरूको अथाह माया पायो,’ उनले भनिन्, ‘२० वर्षदेखि प्राप्त यस स्नेहको सम्मान गर्दै हामी आफ्नै कार्यालय परिसरमा पुस्तक मेला आयोजना गरी पाठकहरूलाई सुखद अनुभव दिलाउन आतुर छौँ।’उक्त पुस्तक मेलामा नेपालयबाट प्रकाशित ३० भन्दा बढी पुस्तकका लेखकहरूको उपस्थिति रहने जानकारी मास्केले दिइन्। ‘अच्युतकृष्ण खरेल, अरुणा उप्रेती, आनी छोइङ डोल्मा, आभास, कालीप्रसाद रिजाल, किशोर थापा, कुमार नगरकोटी, गणेशप्रसाद लाठ, गिरीश गिरी, जीवनकुमार प्रसाईँ, जेबी दर्लामी, तारानिधि भट्टराई, तुलसी भट्टराई, दिनेश अधिकारी, दुर्गा कार्की, नारायण वाग्ले, निमानन्द रिजाल, पद्मसुन्दर जोशी, महेशराज पन्त, लुज माथेमा, विप्लव प्रतीक, श्रवण मुकारुङ, सुदीप श्रेष्ठलगायत लेखकहरूसँग भेटघाट तथा कुराकानी गर्ने यो दुर्लभ अवसर हुनेछ,’ उनले थपिन्, ‘लेखकहरूसँगको भेटघाट निःशुल्क हुनेछ भने पुस्तकहरूमा ५० प्रतिशतसम्मको विशेष छुट उपलब्ध हुनेछ।’

दुई दिने पुस्तक मेलाको शुभारम्भ लेखक जीवनकुमार प्रसाईँको पाँचौँ कृति ‘कस्तो छ तिमीलाई, यो मन सोधिरहन्छ’को लोकार्पणबाट हुनेछ। शनिबार बिहान ९ बजे पुस्तक मेला स्थलमै उक्त पुस्तकको विमोचन कार्यक्रम राखिएको छ। १० वर्षअघि नेपालयबाटै प्रकाशित प्रसाईँको कृति ‘जीवन जिउने काइदा’ पाठकहरूमाझ निकै लोकप्रिय रहेको थियो। पुस्तक मेलाको समापन भने विशेष काव्य अनुष्ठानका साथ हुनेछ।

नेपालयको २०औँ वार्षिकोत्सव : दुई दिने विशेष पुस्तक मेलासँगै लेखक भेटघाट

Tags:

हेटौँडामा सडक विस्तार: १५ दिने अल्टिमेटम सकिँदै, भोलि डोजर चल्ने तयारी पूरा भएको सहायक सीडीओको स्पष्टिकरण

हेटौंडा सडक विस्तार मुद्दा सर्वोच्चमा: आज इजलास नं. ४ मा पेसी, निर्णायक मोड आउने संकेत

हेटौंडामा सडक सीमा खाली गराउन तयारी तीव्र, होटल व्यवसायीलाई अतिथि नराख्न निर्देशन

हेटौंडामा समाजवादी जेन जि फोर्स मकवानपुर गठन, सुर्य बहादुर गोले संयोजक

अखिल (समाजवादी) मकवानपुरको पाँचौँ पूर्ण बैठक सम्पन्न, २५औँ जिल्ला सम्मेलन आयोजक समिति गठन

अपाङ्गता दिवसको अवसरमा हेटौंडामा रक्तदान कार्यक्रम सम्पन्न, ४० जनाले दिए रक्तदान