पिकअप दुर्घटनामा प्रहरी सहायक निरीक्षकको मृत्यु, चालक र छोरी घाइते

सुनसरी। सुनसरीको दुहबीमा दाउरा बोकेको पिकअप भ्यान दुर्घटना हुँदा एक प्रहरी सहायक निरीक्षकको मृत्यु भएको छ भने दुई जना घाइते भएका छन्।

दुहबी नगरपालिका–३ स्थित फुटानी चौकमा उत्तर इटहरीबाट दक्षिण विराटनगरतर्फ जाँदै गरेको प्र.२-०१-००१च ०२५१ नम्बरको पिकअप भ्यान अनियन्त्रित भई सडकको बायाँ किनारमा रहेको फलामको रेलिङमा ठोक्किँदा दुर्घटना भएको इलाका प्रहरी कार्यालय दुहबीका प्रहरी निरीक्षक सागर तिमिल्सिनाले जानकारी दिए।

दुर्घटनामा नेपाल प्रहरी नारायणहिटी सुरक्षा गारद गुल्म काठमाडौँमा दरबन्दी भई जिल्ला प्रहरी कार्यालय उदयपुरमा कार्यरत ३० वर्षीय प्रहरी सहायक निरीक्षक विरोध खतिवडाको मृत्यु भएको हो। उदयपुरको त्रियुगा नगरपालिका–८, राजाबास निवासी खतिवडाको टाउको, छाती र शरीरका विभिन्न भागमा गम्भीर चोट लागेको थियो। उनलाई विराट टिचिङ अस्पताल, बूढीगंगामा लगिएको थियो, जहाँ उपचारको क्रममा मृत्यु भएको प्रहरीले जनाएको छ।

त्यस्तै, दुर्घटनामा पिकअप चालक उदयपुरको चौदण्डीगढी नगरपालिका–६ निवासी ३८ वर्षीय सुरेश कार्कीको टाउको र छातीमा चोट लागेको छ। उनका १४ वर्षीया छोरी रोजिना कार्कीको चिउँडोमा चोट लागेको प्रहरीले जनाएको छ। दुबैको विराट टिचिङ अस्पताल, बूढीगंगामा उपचार भइरहेको छ।

पिकअप दुर्घटनामा प्रहरी सहायक निरीक्षकको मृत्यु, चालक र छोरी घाइते

Tags:

हेटौँडामा सडक विस्तार: १५ दिने अल्टिमेटम सकिँदै, भोलि डोजर चल्ने तयारी पूरा भएको सहायक सीडीओको स्पष्टिकरण

हेटौंडा सडक विस्तार मुद्दा सर्वोच्चमा: आज इजलास नं. ४ मा पेसी, निर्णायक मोड आउने संकेत

हेटौंडामा सडक सीमा खाली गराउन तयारी तीव्र, होटल व्यवसायीलाई अतिथि नराख्न निर्देशन

हेटौंडामा समाजवादी जेन जि फोर्स मकवानपुर गठन, सुर्य बहादुर गोले संयोजक

अखिल (समाजवादी) मकवानपुरको पाँचौँ पूर्ण बैठक सम्पन्न, २५औँ जिल्ला सम्मेलन आयोजक समिति गठन

अपाङ्गता दिवसको अवसरमा हेटौंडामा रक्तदान कार्यक्रम सम्पन्न, ४० जनाले दिए रक्तदान