सप्तरीमा १८ दिने समुदाय विपद् स्वयंसेवक तालिम सुरु

सप्तरी। राजविराज, सप्तरी जिल्लामा विपद् जोखिम न्यूनीकरणका लागि स्थानीयस्तरमा स्वयंसेवक तयार गर्ने उद्देश्यले १८ दिने समुदाय विपद् स्वयंसेवक तालिम आइतबारदेखि सुरु भएको छ। महादेवा गाउँपालिकाको समन्वयमा सशस्त्र प्रहरी बल, नेपाल दन्तकाली विशेष कार्य तालिम शिक्षालयले यो तालिम आयोजना गरेको हो।

महादेवा गाउँपालिका-५ स्थित गाउँपालिकाको सभाहलमा सुरु भएको यस तालिममा ६ वटा वडाबाट छानिएका ३० जनालाई प्रशिक्षण दिइँदैछ। यो तालिम आगामी असार १३ गते शुक्रबार समापन हुनेछ। तालिमले स्थानीयस्तरमै विपद् स्वयंसेवक उत्पादन गरी विपद्पूर्व तयारी तथा प्रतिकार्यमा समुदायलाई सशक्त बनाउन महत्त्वपूर्ण भूमिका खेल्ने विश्वास गरिएको छ।

तालिमको उद्घाटन कार्यक्रममा शिक्षालयका समादेशक सशस्त्र प्रहरी वरिष्ठ उपरीक्षक डा. नेत्रबहादुर कार्कीले नेपालको भौगोलिक बनावट र जलवायु विविधताका कारण देश विपद्को उच्च जोखिममा रहेको बताए। उनले विगतमा विपद्ले ठूलो जनधनको क्षति पुर्‍याएको उदाहरण दिँदै स्थानीयस्तरमा स्वयंसेवक परिचालन गर्न सकेमा उद्धार कार्यमा सुरक्षाकर्मी पुग्नुअघि नै ठूलो क्षति न्यूनीकरण गर्न सकिने धारणा राखे। महादेवा गाउँपालिकाका अध्यक्ष सुनिलकुमार मण्डलले उद्घाटन कार्यक्रममा बोल्दै जलवायु परिवर्तनको असरले कुनै पनि बेला अप्रत्याशित विपद् आउन सक्ने भएकाले स्थानीयस्तरमा स्वयंसेवक उत्पादन गरी सदैव तयारी अवस्थामा रहनुपर्नेमा जोड दिए। उनले सशस्त्र प्रहरी बल, नेपालको यस अभियानको प्रशंसा गर्दै कार्यक्रमको सफलताको शुभकामना व्यक्त गरे।

तालिमको उद्घाटन समारोहमा महादेवा गाउँपालिकाका अध्यक्ष सुनिलकुमार मण्डल, सशस्त्र प्रहरी बल, नेपाल दन्तकाली विशेष कार्य तालिम शिक्षालयका समादेशक सशस्त्र प्रहरी वरिष्ठ उपरीक्षक डा. नेत्रबहादुर कार्की, गाउँपालिका उपाध्यक्ष, जिल्लास्थित विभिन्न सुरक्षा निकायका प्रमुखहरू, प्रमुख प्रशासकीय अधिकृत र महादेवा गाउँपालिकाका वडा अध्यक्षहरूलगायतको उपस्थिति थियो।

सप्तरीमा १८ दिने समुदाय विपद् स्वयंसेवक तालिम सुरु

Tags:

हेटौँडामा सडक विस्तार: १५ दिने अल्टिमेटम सकिँदै, भोलि डोजर चल्ने तयारी पूरा भएको सहायक सीडीओको स्पष्टिकरण

हेटौंडा सडक विस्तार मुद्दा सर्वोच्चमा: आज इजलास नं. ४ मा पेसी, निर्णायक मोड आउने संकेत

हेटौंडामा सडक सीमा खाली गराउन तयारी तीव्र, होटल व्यवसायीलाई अतिथि नराख्न निर्देशन

हेटौंडामा समाजवादी जेन जि फोर्स मकवानपुर गठन, सुर्य बहादुर गोले संयोजक

अखिल (समाजवादी) मकवानपुरको पाँचौँ पूर्ण बैठक सम्पन्न, २५औँ जिल्ला सम्मेलन आयोजक समिति गठन

अपाङ्गता दिवसको अवसरमा हेटौंडामा रक्तदान कार्यक्रम सम्पन्न, ४० जनाले दिए रक्तदान