भीमफेदीमा खोलाले बगाएर एक युवकको मृत्यु

मकवानपुर। मकवानपुरको भीमफेदी गाउँपालिका-१, टौवास्थित खोलामा नुहाउने क्रममा एक युवकको मृत्यु भएको छ। शनिबार दिउँसो करिब सवा ३ बजे पर्साको वीरगञ्ज महानगरपालिका-५ निवासी अन्दाजी ४५ वर्षीय पुरुषोत्तम शर्माको खोलाले बगाएर मृत्यु भएको जिल्ला प्रहरी कार्यालय मकवानपुरले जनाएको छ।

वीरगञ्जबाट साथीहरूसँग पिकनिक मनाउन भीमफेदीको टौवास आएका शर्मा बनभोज खाएर खोलामा नुहाउन गएका थिए। नुहाउने क्रममा अचानक पानीको बहाव बढेपछि शर्मा खोलामा बगेका थिए।

प्रहरी नायव उपरीक्षक श्यामु अर्यालका अनुसार, खोलाले बगाएर करिब ४०० मिटर तल फेला परेका शर्माको घटनास्थलमै मृत्यु भएको हो।

यस घटनाबारे थप अनुसन्धान भइरहेको प्रहरीले जनाएको छ।