सरकारको कडाईपछि सामाजिक सञ्जाल सूचीकरण प्रक्रियामा, अनलाइनमार्फत कागजात बुझाउन सकिने

काठमाडौं, भदौ २० गते । पछिल्लो समयमा सरकारले दर्ता हुन नआएका सामाजिक सञ्जाललाई नेपालमा सञ्चालन गर्न नदिने निर्णय गरेपछि विभिन्न एप र सामाजिक सञ्जाल कम्पनीहरू सूचीकरणको प्रक्रियामा आउन थालेका छन्।

गएको बिहीबार सरकारको निर्देशनअनुसार २६ वटा सामाजिक सञ्जाललाई निस्क्रिय बनाउने कार्य अगाडि बढाइएपछि ‘हाम्रो पात्रो’ एपले सोही दिनको साँझभित्रै दर्ता प्रक्रियामा प्रवेश गरेको जानकारी प्राप्त भएको छ। त्यसैगरी केही सामाजिक सञ्जालहरूले नेपालमा सूचीकरण हुन आवश्यक कागजात इमेलमार्फत माग गरेका छन्।

सूचीकरण गर्न चाहने कम्पनीहरूले नेपाल सरकारसमक्ष केही कागजात बुझाउनुपर्ने हुन्छ। ती कागजातहरूमा —

निवेदन : सरकारलाई सम्बोधन गरी पेश गर्नुपर्ने आधिकारिक आवेदनपत्र।

फोकल पर्सन : नेपालमै एक जना सम्पर्क व्यक्ति तोक्नुपर्ने, जसको ठेगाना र फोन नम्बर अनिवार्य हुनेछ।

कम्पनी दर्ता प्रमाणपत्र : कम्पनीको आधिकारिक दर्ता प्रमाणपत्रको प्रतिलिपि।

करदाता नम्बर (प्यान) : कम्पनीसँग रहेको करदाता नम्बर (प्यान) तथा आवश्यक विवरण।

बिजनेस सिनोप्सिस : नेपालमा कम्पनीले गर्ने व्यवसाय तथा उद्देश्यबारे संक्षिप्त विवरण।

यी विवरण प्राप्त भएपछि सरकारले जाँच गर्नेछ। अपूरा कागजात भए थप विवरण मागिनेछ भने पूरा भए सहजै सूचीकरणमा प्रवेश गर्न सकिनेछ।

सूचीकरणमा प्रवेश गरेका सामाजिक सञ्जालहरूले नेपाल सरकारको नियमन र मुलुकको कानुनी प्रावधान पालना गर्नुपर्ने हुन्छ। संविधानले वर्जित गरेका सामग्री — जस्तै राष्ट्रिय अखण्डता, जातीय भेदभाव तथा विभाजनकारी गतिविधि — प्रकाशित नगर्नुपर्ने प्रावधानलाई कडाइका साथ पालना गर्नुपर्ने सरकारको भनाइ छ।

सरकारको कडाईपछि सामाजिक सञ्जाल सूचीकरण प्रक्रियामा, अनलाइनमार्फत कागजात बुझाउन सकिने

Tags:

हेटौँडामा सडक विस्तार: १५ दिने अल्टिमेटम सकिँदै, भोलि डोजर चल्ने तयारी पूरा भएको सहायक सीडीओको स्पष्टिकरण

हेटौंडा सडक विस्तार मुद्दा सर्वोच्चमा: आज इजलास नं. ४ मा पेसी, निर्णायक मोड आउने संकेत

हेटौंडामा सडक सीमा खाली गराउन तयारी तीव्र, होटल व्यवसायीलाई अतिथि नराख्न निर्देशन

हेटौंडामा समाजवादी जेन जि फोर्स मकवानपुर गठन, सुर्य बहादुर गोले संयोजक

अखिल (समाजवादी) मकवानपुरको पाँचौँ पूर्ण बैठक सम्पन्न, २५औँ जिल्ला सम्मेलन आयोजक समिति गठन

अपाङ्गता दिवसको अवसरमा हेटौंडामा रक्तदान कार्यक्रम सम्पन्न, ४० जनाले दिए रक्तदान