विद्यार्थीलाई स्काउट पोशाक वितरण

हेटौंडा । नेपाल स्काउट बागमती प्रदेशले मकवानपुर जिल्लाभित्र रहेका २ वटा विद्यालयका विद्यार्थीलाई स्काउट पोशाक वितरण गरिएको छ । विद्यालयमा नयाँ स्काउट इकाई संचालन गर्न प्रोत्साहन स्वरुप स्काउट पोशाक वितरण गरिएको नेपाल स्काउट हेटौंडा उपमहानगरपालिका सदस्य वृद्धि संयोजक अनिल आचार्यले जानकारी दिनुभयो ।

मकवानपुरगढी गाउँपालिका-५, धादिङस्थित शारदा माध्यमिक विद्यालयका ३२ जना र हेटौंडा उपमहानगरपालिका-१, नकौलीस्थित कालिका आधारभुत विद्यालयका ३२ जना गरी ६४ जना विद्यार्थीलाई आइतबार स्काउट पोशाक वितरण गरिएको छ । सानै उमेरबाट नै सामाजिक भावनाको विकाश गरी अनुशासित र नैतिकवान जिम्मेवार नागरिक बनाउन उक्त कार्यक्रमले सहयोग पुग्ने छ । यस्ता विभिन्न उपयोगी सीप सिकाउँदै विपदमा सहायताका लागि स्वंयसेवक निर्माण गर्न स्काउट पोशाक वितरण गरिएको नेपाल स्काउट बागमती प्रदेश सदस्य अशोक सारु मगरले जानकारी दिनुभएको ।

हेटौंडा उपमहानगरपालिका-१ की वडाध्यक्ष ईश्वरी रसाइलीले अन्तराष्ट्रिय संस्थाको रुपमा पहिचान भएको सानासाना स्काउट भाईबहिनीले स्थानीय स्तरमा पनि विपदको समयमा सेवा गर्ने तथा काम ठुला मान्छे सरह गर्ने गरेको भन्दै प्रशंनीय कार्य रहेको बताउनुभयो । छुट्टाछुट्टै कार्यक्रम आयोजना गर्दै स्काउट पोशाक वितरण गरिएको कार्यक्रममा शारदा माध्यमिक विद्यालयका प्रधानाध्यापक इन्द्र बहादुर कार्की, कालिका आधारभूत विद्यालयका प्रअ बैकुण्ठ पराजुली, महेन्द्र राना, शोभा लामिछाने, शौरभ अधिकारी, विद्यालय व्यवस्थापन समितिका अध्यक्ष इन्द्र बहादुर पाख्रीन, हेटौंडा-१ का वडासदस्य सोनाम सिं ब्लोन, स्काउटर सिता ब्लोन, निशा गौतम र ईश्वर लामिछाने लगायतको उपस्थिति थियोे ।