खेलकुद

विश्वकप फुटबल प्रतियोगिता २०१८ आजबाट सुरु

३१ जेठ २०७५ - विश्वकपको उद्घाटन खेलमा आयोजक रसिया र साउदी अरेबियाबीच प्रतिस्पर्धा हुँदैछ ।

मस्कोको लुज्निकी स्टेडियममा हुने खेल नेपाली समय अनुसार साँझ पौने ९ बजे सुरु हुनेछ । फिफा वरियता अनुसार विश्वकपमा सहभागि ३२ राष्ट्र मध्ये यी दुई टिम सबैभन्दा कमजोर रहेका छन् । साउदी अरेबिया ६७  र रुस ७० औं स्थानमा छ । 

विश्वकपको उद्घाटन खेलमा नै प्रतिस्पर्धा गर्ने साउदी पहिलो एसियाली राष्ट्र पनि हो । दुई देश खराब फर्मबाट गुज्रिरहेका छन् । रसियाले गत अक्टोबरमा दक्षिण कोरियालाई पराजित गरेपछि  खेलेका सात खेलमा जित हात पार्न सकेन । यस्तै साउदीले पछिल्ला तीन मैत्रीपूर्ण खेलमा पराजय व्यहोरेको थियो ।

 विश्वकप अघिको अन्तिम वार्म अप म्याचमा साउदीले जर्मनीसँग सुधारिएको खेल प्रदर्शन गर्दै दुई एक गोलको हार व्यहोरेको थियो । यसले खेलाडीको मनोवल केही उच्च भएको बताइएको छ । दुवै टोली  विश्वकपको फाइनल चरणमा जितको खडेरलिाइ तोड्न चाहन्छन ।

रसियाले २००२ यता फाइनलका चरणका कुनै पनि  खेलमा जित निकाल्न सकेको छैन । साउदीले पछिल्लो पटक  १९९४ को विश्वकपमा जित हात पारेको थियो । त्यसैले समुह ए मा रहेका  रसिया र साउदीका लागि  भोलिको खेल विषेश रहनेछ । 

 मैत्रीपूर्ण खेलमा गरेको खराब प्रदर्शनका कारण समर्थको आलोचना सामना गरिरहेको रसिया ठूलो प्रतियोगितामा आफूलाई प्रमाणित गर्न चाहन्छ । त्यसैका लागि विश्वकपको हब मस्को भन्दा केही टाढा गएर एक साता लामो अभ्यास गरेको थियो । रसिया र साउदीले विश्वकपमा अहिले सम्म समुह चरण पार गर्न सकेका छैनन् । यता साउदी देशमा भइरहेको फुटबल विकासलाई आफ्नो प्रदर्शनमार्फत विश्वकपलाई सकारात्मक चित्र देखाउन चाहान्छ ।

सम्बन्धित शिर्षक समाचारहरु

नेपालद्वारा मलेसिया पराजित	नेपालको खराब प्रदर्शन	ट्युनिसियाले माडागास्करलाई ३–० गोल अन्तरले पराजित गरे
चिलीलाई पराजित गर्दै अर्जेन्टिना कोपा अमेरिका खेलमा तेस्रो भए	पाकिस्तानका अलराउन्डर क्रिकेटर शोएब मलिकले लिए सन्यास	आज हुने पहिलो खेलमा भारत र श्रीलंका बिच प्रतिस्पर्धा हुने
आफ्नो प्रकटध्दारा इतिहास रच्ने दाउमा दक्षिण कोरिया	जर्मनीले जारी विश्वकप फुटबलमा पहिलो जित हात पारे	विश्वकप फुटबल प्रतियोगिताको पहिलो खेलमा साउदीविरुद्ध रुसको शानदार जित हासिल