उपेन्द्र यादवमाथिको झुट्टा आरोप विरुद्ध काठमाडौंमा जनता समाजवादी पार्टीले भोलि विरोध प्रदर्शन गर्दै

काठमाण्डौ,भदौ ५ । जनता समाजवादी पार्टी, नेपाल (जसपा) काठमाडौं जिल्ला समिति भोलि, २०८२ साल भदौ ६ गते, पार्टीका अध्यक्ष माननीय उपेन्द्र यादवमाथि लगाइएको झुट्टा आरोपको विरोधमा प्रदर्शन गर्ने भएको छ।

कार्यक्रम बसन्तपुरस्थित यत्‍खा चोकमा दिउँसो २ बजे सुरू हुने जनाइएको छ। आयोजक जसपा काठमाडौं जिल्ला समितिले यस विरोध कार्यक्रम मार्फत अध्यक्ष यादवको प्रतिष्ठामा आँच पुर्‍याउने नियोजित आरोपहरूको खण्डन गर्दै विरोधमा प्रदर्शन गर्ने बताएको छ।

विरोध प्रदर्शनमा पार्टीका नेता, कार्यकर्ता तथा समर्थकहरूको उल्लेख्य सहभागिता रहने अपेक्षा गरिएको छ।