रौतहटमा भाेजपुरी कलाकार यादव संगै रचना शिवाकोटीको बेजोड प्रस्तुति

रौतहट। रौतहटमा भारतीय भोजपुरी सिनेमाका सुपर स्टार तथा गायक कलाकार खेसारीलाल यादवकाे गायनमा नेपालका चर्चित कलाकार रचना शिवाकोटीको बेजोड प्रस्तुतिले हजारौं दर्शक झुम्मिएका छन् ।

जिल्लाको गढीमाई नगरपालिका ४ मा आयाेजित पञ्चवर्षीय गढीमाई मेला महोत्सवमा विहीवार चर्चित कलाकार शिवाकोटीले खेसारीलाल यादव संग ठुमका लगाउदा दर्शकहरु निकै मनपराउनु भएको थियो । चर्चित गायक तथा नायक यादवले गाएका दर्जनौँ गीतमा नेपाली कलाकार शिवाकोटीले नृत्य गरिरहदा दर्शकहरूकाे माजबाट तालीकाे गरगराहट बजेको थियो ।त्यस्तै कलाकार यादव र शिवाकोटीको नृत्यले सबैलाई नाचन बाध्य बनाएको थियोे ।

कलाकार यादवले बेलाबेलामा प्रस्तुत गरेका हास्यव्यंग्यले पनि दर्शकलाई निकै मनोरंजन गराएको थियोे ।भोजपुरी गायन तथा सिनेमाको कारण यादव विश्वमै चर्चित छन् भने शिवाकोटीले रौतहटका साथै मधेश प्रदेशमा राम्रो कलाकारको पहिचान बनाइसकेकी छिन् ।कलाकार यादवको प्रस्तुति हुने भएपछि रौतहटका साथै बारा र सर्लाहीबाट हजारौँ दर्शक सुन्दरपुर पुगेका थिए । यसै गरी भारतको बिहारबाट पनि हजारौँदर्शक र दर्जनौँ कलाकारहरु सुन्दरपुर पुगेका थिए ।गत मंसिर १८ गते नेपाल सरकारका उपप्रधानमन्त्री प्रकाशमान सिंहले उद्घाटन गरेको गढीमाई मेला २६ गतेसम्म लाग्ने आयोजकले जनाएका छन् ।

गढीमाईका नगर प्रमुख श्यामप्रसाद यादव कलाकार यादवको घरसम्मै पुगेर निमन्त्रणा दिएको र आफू आउन बाध्य भएको कलाकार यादवले सार्वजनिक गरेका छन् ।कलाकार यादवसँगै शिवाकोटीको पनि निकै प्रशंसा भएको छ ।कलाकारको माध्यमले पनि गढीमाई नगरपालिकाको धार्मिक तथा पर्यटकीय प्रवर्धन भइरहेको निमित्त प्रमुख प्रशासकीय अधिकृत नागेन्द्रप्रसाद यादवले प्रतिक्रिया दिएका छन् ।

नेपालको विभिन्न जिल्लाका साथै भारतको विभिन्नजिल्लाबाट पनि श्रद्धालु दर्शकहरु लाखौँको संख्यामा आउनुले पालिकाको पर्यटकीय क्षेत्रको प्रवद्र्धन भएको विश्वास पालिकाले लिएको यादवको भनाइ छ ।रौतहटको दर्जनभन्दा बढी ठाउँमा गढीमाई मेला लागिरहेको भए पनि सबैभन्दा पुरानो सुन्दरमा रहेको मेलालाई मानिएको छ । सुन्दरपुरमा १३औँ पटक मेला लागेको नगर प्रमुख यादवको भनाइ छ ।

यस वर्षको मेलामा दश लाखभन्दा बढी श्रद्धालु दर्शक मेला भर्न आउने विश्वास आयोजक लिएको मंच व्यवस्थापन समितिका संयोजक महेश साहले जानकारी गराएका छन् । कलाकारहरुको प्रस्तुति हेर्न लाखौँ मानिस आएपछि निकै धेरै संख्यामा सुरक्षाकर्मी परिचालित गरिएको थियो ।