संविधान विपरीत न्यायाधीश नियुक्ति विरुद्ध जनता समाजवादी पार्टीको विरोध

ललिपुर,साउन २९ । २०८२ साल साउन २२ गते न्याय परिषद्ले गरेको उच्च अदालतका न्यायाधीशहरूको नियुक्ति सम्बन्धी निर्णयप्रति जनता समाजवादी पार्टी, नेपालले गम्भीर आपत्ति जनाएको छ। पार्टीले संविधानविपरीत नियुक्ति प्रक्रिया अगाडि बढाइएको भन्दै विरोध जनाउँदै आएको छ।

प्रेस विज्ञप्तिमा भनिएको छ कि संविधानले सुनिश्चित गरेको समावेशी, समानुपातिक नियुक्ति प्रक्रिया बेवास्ता गर्दै गरिएको नियुक्ति अस्वीकार्य छ। विज्ञप्तिमा उल्लेख छ कि महिला, दलित, मुस्लिम, थारु, मधेसी, आदिवासी जनजाति, पिछडिएको वर्ग लगायतका समुदायलाई उपेक्षा गरिएको छ।

पार्टीका अनुसार, यस्तो कार्यले मुलुकको जातीय सद्भाव र सहअस्तित्वमा गम्भीर असर पार्ने देखिन्छ। समावेशी लोकतान्त्रिक मूल्य र संविधानको मर्म विपरीत यस्ता निर्णयहरू भएकाले पार्टीले तीव्र विरोध गर्ने जनाइएको छ।

पार्टीका प्रवक्ता मा. मनिष कुमार सुमनले हस्ताक्षरित विज्ञप्तिमा यस्तो अन्यायपूर्ण र असंवैधानिक निर्णय फिर्ता लिनु पर्ने माग गरिएको छ।