प्रतिनिधिसभा निर्वाचन २०८२ः नाम होइन, कामको हिसाब माग्ने समय आएको छ – विशालराज महत

हेटौँडा, फागुन १५ गते । आगामी प्रतिनिधिसभा निर्वाचन २०८२ लाई लक्षित गर्दै समाजसेवी तथा सामाजिक अभियान्ता विशाल राज महतले सामाजिक सञ्जालमार्फत सशक्त धारणा सार्वजनिक गरेका छन्।

उनले आजको समाजमा ‘समाजसेवी’, ‘इमान्दार’, ‘कर्मठ’ जस्ता शब्दहरू उपाधिभन्दा पनि व्यापारिक ब्रान्ड जस्तै प्रयोग हुन थालेको प्रति गम्भीर चिन्ता व्यक्त गरेका छन्। महतका अनुसार बढी ढोंग गर्नेहरू सम्मानित हुने र सत्य बोल्नेहरू एक्लिने प्रवृत्ति बढ्दै गएको छ, जसले समाजमा नैतिकताको वास्तविक अर्थ नै हराउँदै गएको संकेत गर्दछ।

उनले स्टाटसमा लेखेका छन्— “शब्दको हत्या गरेर नैतिकताको नाटक मञ्चन भइरहेको छ। अब समय आएको छ नाम होइन, कामको हिसाब माग्ने।” यस भनाइ मार्फत उनले मतदातालाई मुखले होइन, कर्मले प्रमाणित भएका व्यक्तिहरूलाई मात्र चिन्ने र मूल्यांकन गर्ने चेतना विकास गर्न आग्रह गरेका छन्।

विशाल राज महतले अबको निर्वाचनमा जनताले आशा र भरोसा चिर्न सक्ने, जनताको जीवनस्तर परिवर्तन गर्न सक्ने वास्तविक पात्रको पहिचान गर्ने विश्वास व्यक्त गरेका छन्। उनको यो धारणा सामाजिक सञ्जालमा व्यापक रूपमा चर्चा र समर्थन पाउन थालेको छ।