मकवानपुरमा ‘अपरेशन ड्रप’ अभियानः १८ जना नियन्त्रणमा

हेटौडा,चैत २२ गते । जिल्ला प्रहरी कार्यालय मकवानपुरले सञ्चालन गरेको ‘अपरेशन ड्रप’ अभियान अन्तर्गत १८ जना व्यक्तिलाई नियन्त्रणमा लिएको छ। यात्रुहरूलाई अनावश्यक हैरानी दिने तथा गैरव्यावसायिक र आपराधिक गतिविधिमा संलग्न व्यक्तिहरूलाई कानुनी दायरामा ल्याउने उद्देश्यले उक्त अभियान सञ्चालन गरिएको प्रहरीले जनाएको छ।

प्रहरीका अनुसार मिति २०८२ साल चैत्र २१ र २२ गते सञ्चालन गरिएको अभियानका क्रममा मकवानपुरका विभिन्न स्थानबाट ती व्यक्तिहरूलाई नियन्त्रणमा लिइएको हो। नियन्त्रणमा परेकामध्ये अधिकांश हेटौंडा उपमहानगरपालिकाका विभिन्न वडाका बासिन्दा रहेका छन् भने एक जना रौतहट जिल्लाबाट रहेको जनाइएको छ।

नियन्त्रणमा लिइएकाहरूमा नसिब बर्तौला, फारोक अन्सारी, बद्रीबहादुर तामाङ, सुगम लोप्चन, कमल सिंह भ्लोन, अजय स्याङतान, सबिन थिङ, अर्जुन भ्लोन, अर्जुन भ्लोन तामाङ, सुरज श्रेष्ठ, सुलभ थिङ, नवराज गुरुङ, सन्तकुमार महर्जन, दिपेश लामा, राजेश ओझा, राहुल तामाङ, नवीन गौतम र रवि तिमिल्सिना रहेका छन्।

प्रहरीले उनीहरूमाथि आवश्यक अनुसन्धान प्रक्रिया अघि बढाइएको जनाएको छ। यस्ता गतिविधिमा संलग्न जो–कोहीलाई पनि कानुनी कारबाहीको दायरामा ल्याइने चेतावनी दिँदै प्रहरीले सार्वजनिक सुरक्षामा खलल पुर्‍याउने कार्य नगर्न सबैलाई आग्रह गरेको छ।

जिल्ला प्रहरी मकवानपुरद्वारा जारी सूचना हेर्नुहोस्।