जनप्रतिनिधिहरुलाई स्थानीय सुशासन प्रवर्द्धन र योजना तर्जुमा अभिमुखिकरण कार्यक्रम सम्पन्न

हेटौंडा । जिल्ला समन्वय समिति मकवानपुरको आयोजनामा भएको स्थानीय तहका जनप्रतिनिधिहरुलाई स्थानीय सुशासन प्रवर्द्धन र योजना तर्जुमा तथा क्षमता अभिबृद्धि अभिमुखिकरण कार्यक्रम सम्पन्न भएको छ । कार्यक्रम प्रेस चौतारी मकवानपुरको सभाहलमा समापन भएको हो ।

शुक्रबार योजना तर्जुमा र सुशासन प्रर्वद्वन अभिमुखीकरण तथा छलफल कार्यक्रममा मन्तव्य राख्नुहुँदै हेटौंडा उपमहानगरपालिकाकी मेयर मिना लामाले भनिन संघीय र प्रदेश सरकारले पनि प्रदेशको राजधानीलाई कस्तो बनाउने भन्ने विषयमा भिजन लिनुपर्रने हुन्छ । लुम्बिनी प्रदेशले मार्गचित्र बनाउँदा बागमती प्रदेशले मार्गचित्रको निर्णय समेत लिन सकेको छैन् ।कर्मचारीलाई तलब वितरणदेखि २५ मिटर भत्काउने विषयमा समस्या रहेको छ । १० पालिकाकै सदरमुकाम कसरी जोड्ने भन्ने विषयमा स्थानीय तहले मात्र सहकार्य गर्नुपर्ने अवस्था छ । जब २५ मिटर क्लियर हुँदैन तब अन्य पालिकाहरुमा भएका विकास पनि हेटौंडा जस्तै हुने बताउनुभयो । जसको लागि जिल्ला समन्वय समितिले समन्वयको भूमिका निर्वाह गर्न आग्रह गर्नुभयो ।

कैलाश गाउँपालिका प्रमुख लोकबहादुर मोक्तानले १ सय १९ पालिकामा सुचाङ्कको आधारमा योजना जान्छन् । तर कैलाश जस्तो विकट क्षेत्रमा कसरी योजना जान्छन् भन्ने विषयमा प्रदेश सरकारको ध्यानाकर्षण हुन जरुरी रहेको उल्लेख गर्नुभयो । सदरमुकामसँग जोड्ने सडकलाई कालोपत्रे गर्ने विषय आफूले उठान गरिएपनि कुनै सुनुवाई नभएको उहाँको भनाइ छ । नीति कार्यक्रमको कार्यान्वयन छैनन् र सुनुवाई हुने ठाउँ पनि नहुँदा विकराल समस्या लिइरहेको बताउनुभयो ।

राक्सिराङ गाउँपालिका अध्यक्ष राजकुमार मल्लले प्रदेश र स्थानीय तहबीच दोहोरोपना योजना धेरै रहेको बताउनुभयो । तर कर्मचारी व्यवस्थापन अन्तर्गत एक विद्यालय एक नर्स कार्यक्रम कार्यान्वयनमा समस्या छन् । पशुमा रोगहरु फैलिरहेको अवस्था छ र धेरै किसान गाउँमा हुन्छन् भन्ने विषयहरुको गहन रुपमा छलफल हुनुपर्ने उहाँको भनाइ छ । कयौं गिट्टी बलुवा बन्द रहेकाले विकासले दिगोपना लिन नसक्ने बताउनुभयो । जिल्ला प्रशासन कार्यालय प्रमुख राजेन्द्रदेव पाण्डेले स्थानीय तहले सर्वस्वीकार्य डकुमेन्ट बनाउनुपर्ने बताउनुभयो । योजना कार्यान्वयन नभइरहेको अवस्था छन् । जसले गर्दा स्रोत साधनले कतिको भ्याउँछ भन्ने विषयमा स्थानीय तहले सर्वस्वीकार्य डकुमेन्ट बनाउन जरुरी हुन्छन् । ढुंगा गिट्टीको समस्या समाधानमा चुनौति छन् । संविधानले दिएको अधिकारको सदुपयोग गर्नुपर्ने हुन्छ । प्रदेश र संघीयको बजेट मात्र भर नपर्न स्थानीय तहलाई ध्यानाकर्षण गराउनुभयो । आफू कसरी आत्मनिर्भर बन्ने विषयमा विशेष ध्यान दिनुपर्ने उहाँको धारण छ ।

पालिकाहरुबाट ढुंगा गिट्टी निर्माणका लागि आवश्यक मापदण्ड विपरीत खनेर लाग्ने गरेको गुनासो प्रशासनलाई आउने गरेको जानकारी दिनुभयो । नक्कली रसिद बनाउने र रसिद समेत नबनाई ढुंगा, गिट्टी खन्ने गरिएको बताउनुभयो । नागरिकता सिफारिसमा समेत जोखिम लिनुपर्ने अवस्था रहेको बताउनुभयो । वैदेशिक रोजगार लगायत विभिन्न कारण दुई वटा नागरिकता लिने दर बढेका छन् । स्थानीय तहले गरेका सिफारिसका आधारमा काम बन्ने भएकाले उक्त विषयमा प्रशासनलाई द्विवीत्मक रहेको उहाँको भनाइ छ । जाखिम छ या छैन् भन्ने कुरालाई मध्यनगर गरी सेवाग्राहीलाई सेवा दिन समेत आग्रह गर्नुभयो । जसले योजना दिगोपनमा समेत समस्या आइरहेको छ । उहाँले नेपाल सरकार प्रचलित ऐन कानुन बमोजिम कार्य गर्न स्थानीय तहले भूमिका खेल्नुपर्नेमा जोड दिनुभयो । अनुगमन र नियमनमा सहयोग गरिने प्रतिबद्वता जनाउनुभयो । जिल्ला समन्वय समिति मकवानपुरका प्रमुख ललित घलानको सभाध्यक्षतामा अभिमुखीकरण भएको हो । प्रध्यापक डाक्टर नरविक्रम थापाले स्थानीय तहको योजना तर्जुमा तथा अन्तर सरकार योजना समन्वय र अनुकुलताका पाटाहरुले सहजीकरण गर्नुभयो ।