मकवानपुर जिल्लामा शुक्रबार सम्ममा ६२ वटा मुद्दा दर्ता

हेटौंडा । मकवानपुरमा मिटरब्याजी विरुद्ध शुक्रबार सम्ममा ६२ वटा उजुरी दर्ता भएको छ । सरकारले वैशाख १६ देखि मिटरब्याजी गिरोहविरुद्ध उजुरी दिन आह्वान गरेसँगै जिल्ला प्रशासन कार्यालय मकवानपुरमा उजुरी दर्ता गराउनेको सङ्ख्या बढ्न थालेको छ ।

जिल्लामा सबैभन्दा धेरै मुद्धा हेटौंडा उपमनगरपालीकामा देखिएको छ । मिटरब्याजको धन्दा सञ्चालन गर्ने गिरोहबाट पीडित भएको भन्दै सर्वसाधारणबाट जिल्ला प्रशासन कार्यालय मकवानपुरमा उजुरी दिनेको सङ्ख्या बढ्न गएको जिल्ला प्रसासन मकवानपुरले जनाएको छ। उजुरीका बारेमा गृह मन्त्रालयलाई जानकारी गराएर जिल्ला प्रहरी कार्यालय र प्रशासनले पनि आफ्नै तरिकाले अध्ययन गरिरहेको प्रशासनले जनाएको छ ।

मुद्धा दर्ता गराउनको निम्ती थाहा नहुनेहरुलाई विभिन्न माध्यमहरु मर्फत जस्तै फेसबुक पेज,संचारमाध्यम इत्यादिबाट यो सुचना धेरै भन्दा धेरै व्यत्तिहरुमा पुर्याउन प्रचारप्रसार पनि गरीरहेको प्रमुख जिल्ला अधिकारी राजेन्द्रदेव पाण्डेले बताए ।दर्ता भएको निवेदनमाथि प्रमाणको आधारमा सरकारी वकिलसँग समन्वय गरी जिल्ला प्रहरी कार्यालयबाट मुद्दा चलाउने तयारी गरिएको उननले जानकारी दिए । मिटरब्याजीको गिरोहले सम्पत्ति हडपेर सर्वसाधारणको उठिबास लगाइरहेको विषय बाहिरिएपछि मिटरब्याजको धन्दा रोक्न र गिरोहविरुद्ध कारबाही अघि बढाउन सरकारले कार्यदल नै गठन गरेको छ ।