टोल विकास संस्था नगर समन्वय समितिले ५१ औं विश्व वातावरण दिवस मनाउने

हेटौंडा । टोल विकास संस्था नगर समन्वय समितिले ५१ औं विश्व वातावरण दिवस मनाउने भएको छ । सोमवार रोयल पार्टी प्यालेसमा पत्रकार सम्मेलन गर्दै टोल विकास संस्था नगर समन्वय समितिले ‘प्लाष्टिकजन्य प्रदुषण निमुल पारौं, वातावरणमैत्री विकल्पको उपयोग गंरौ’ भन्ने मुल नाराका साथ ५१ औं विश्व वातावरण दिवसको अवसरमा साताव्यापि कार्यक्रम मनाउने भएको हो ।

५१ औं विश्व वातावरण दिवस मुल आयोजक समारोह समितिका संयोजक धुर्व अधिकारीले साताव्यापी कार्यक्रको कार्यतालिका सार्वजनिक गरेका हुन् । २०५६ साल देखी हेटौंडामा टोल विकास सस्थाहरुको स्थापना गर्ने उदेश्यले समुदाय परिचालनको माध्यमबाट समावेशी,समतामुलक,बातावरणमैत्री,दिगो विकास हासील गर्न साताव्यापि कार्यक्रमको आयोजना गरीएको संयोजक अधिकारीले जानकारी दिए ।

साताव्यापी कार्यक्रममा अनुमानित खर्च १० लाख आयोजक समितिले जनाएको छ । कार्यक्रमलाई हेटौंडा उपमहानगरपालीकाको सहयोगमा कार्यक्रम गरीएको छ ।
१६ जेठदेखि हुने साताव्यापी कार्यक्रम २२ जेठसम्म हुने जनाएको छ । साताव्यापीको पहिलो दिन १६ जेठमा विहान मुल आयोजक समारोह समिति सामुदायीक वन उपभोत्तको महांसंघको संयोजनमा राप्तिखोला विशेष सरसफाई कार्यक्रम गर्ने जनाएको छ । त्यसैगरी , १६ गते नै वातावरण सरंक्षण सम्वन्धि चेतना मुलक टिकटक प्रतियोगीता गर्नेछ भने १७ गते विहान सार्वजनिक सवारी साधनमा स्टिकर टास्ने तथा डस्विन वितरण कार्यक्रम गर्ने आयोजक समितिले जनाएको छ ।

यस्तै , १७ गते नै दिउंसो पर्यावरण संरक्षण सम्वन्धि खुल्ला कविता प्रतियोगीता गर्नेछ भने १८ गते विहान वातावरण संरक्षण तथा लागुपदार्थ दुव्र्यसनी विरुद्ध सडक नाटक प्रर्दशन गर्ने जनाएको छ । सोहि दिन दिउंसो ४० माईक्रोन भन्दा कमको प्लाष्टिक झोलामा लगाईएको प्रतिवन्ध सम्वन्धि सरोकारवालाहरु संग अन्तक्रिया कार्यक्रम गर्ने जनाएको छ । १९ गते विहान रत्तदान कार्यक्रम गर्नुका साथै वाल क्लव स्तरीय वकृत्वकला प्रतियोगीता र बृक्षारोपण कार्यक्रम गर्ने जनाएको छ ।

२० गते बिहान सफा हेटौंडा अभियान अन्र्तगत विशेष सरसफाई र वातावरण सचेतना सम्वन्धि साईकल र्‍याली तथा सम्मान कार्यक्रम गर्ने आयोजक समितिले जनाएको छ । त्यसैगरी , २१ गते बिहान आई क्यारी माई ओन डस्विन अभियान र नगर विद्यालय स्तरिय खेर गएका वस्तुहरुबाट उत्पादित समाग्रीको प्रतिस्पर्धा हुने छ भने कार्यक्रमको अन्तिम दिन २२ जेठमा कपडाको झोला वितरण, उत्कृष्ट टोल विकास सस्था पुरस्कृत गर्ने र वातावरण सचेतना सम्वन्धि र्‍याली सहित समापन,पुरस्कार वितरण तथा सम्मान कार्यक्रम गरिने आयोजक समतिले जनाएको जनाएको छ ।