हेटौंडामा दलित महिला संघद्वारा १६ बुँदे घोषणापत्र सार्बजनिक

हेटौंडा । न्याय, समानता र सम्मानको लागि दलित महिलाहरुको प्रदेश स्तरीय दुई दिने सम्मेलनबाट १६ बुँदे घोषणापत्र जारी गर्दै समापन भएको छ । बुधबारबाट सुरु भएको सम्मेलन आज घोषणापत्र जारी गर्दै सकिएको हो ।

दलित महिला संघका केन्द्रीय अध्यक्ष कला स्वर्णकारको सभाध्यक्षतामा भएको घोषणापत्र जारी कार्यक्रममा संघकी संस्थापक अध्यक्ष दुर्गा सोबको प्रमुख आतिथ्यता रहेको थियो । पत्रकार सम्मेलन गर्दै केन्द्रीय सदस्य समेत रहेकी मकवानपुरका अध्यक्ष पवित्रा विश्वकर्माले १६ बुँदे घोषणापत्र पढेर सार्वजानीक गरेकी थिइन् ।

छलफलबाट निस्किएका मुद्दाहरुः गरिवी, रोजगारी, समानुपातिक प्रतिनिधित्व, निशुल्क शिक्षा, अन्तरजातीय विवाह, छुवाछुत, चेलीबेटी बेचविखन, वालविबाह एच।आई।भि।एड्सको खतरा, वहुविवाह, बलात्कार, प्रजनन् स्वास्थ्य, महिलामाथि हुने विभिन्न हिंसा, आत्मसम्मान, अपाङ्गता, एकल महिला आदि लगायत अन्य मुद्दाहरु र यसबाट पर्ने नकरात्मक असरहरुलाई मध्य नजर गर्दै, दलित महिलाका मुद्दासहित १७ बुँदे हेटौडा घोषणा पत्र जारी गरिएको अध्यक्ष विश्वकर्माले बताइन् ।