हाजिरीजवाफ प्रतियोगितामा शारदा मा. वि. प्रथम

गुल्मी । गुल्मी चारपाला रूपन्देही सम्पर्क समाजको आयोजना मीरा कोषको व्यवस्थापकीय सहयोगमा र इश्वरी माध्यमिक बिधालयको ब्यबस्थापनमा गुल्मीदरबार गाउँपालिका बडा .७ मा रहेको ईश्वरी माध्यमिक बिधालयको प्रङ्गणमा प्रथम रनिंग सिल्ड अन्तर विद्यालय हाजिरीजबाफ प्रतियोगिता २०८० जेष्ठ २२ गते सोमबार सम्पन्न भएको छ ।

गुल्मी चारपाला रुपन्देही सम्पर्क समाजकी अध्यक्षको अध्यक्षता,जिल्ला शिक्षा तथा समन्वय इकाइ प्रमुख लोकनाथ मरासिनी प्रमुख अतिथि , विशिष्ट अतिथि गुल्मीदरबार गाउँपालिकाका प्रमुख प्रशासकीय अधिकृत राजिव पन्थी , अतिथी गुल्मी दरबार गाउपालिका का शिक्षा शाखा प्रमुख नरेन्द्र ज्ञवाली तथा गुल्मी दरबार गाउपालिका वडा नं ५,६,७ का वडा अध्यक्ष रहनु भएको थियो ।

कार्यक्रमलाई सम्बोधन गर्दै प्रमुख अतिथि मरासिनीले आफू हरु जन्म ठाँउबाट टाढा रहे पनि आफनो जन्मेको ठाँउमा सधैं रचनात्मक कार्य गर्दै आएको गुल्मी चारपाला रुपन्देही सम्पर्क समाजबाट जन्मभुमि प्रतिको लगाब कस्तो हुनुपर्दो रहेछ भन्ने कुरा आफुहरुले सिक्न पाएको बताउदै बिद्यार्थीको क्षमतामा समेत फाइदा  पुग्ने बताउदै  यस्तै रचनात्मक कार्यक्रमहरु सञ्चालन गर्न आग्रह  समेत  गर्नुका साथै यस्तो प्रतियोगिताले विद्यार्थीहरूको बौद्धिक क्षमता वृद्धि गर्न उल्लेखनीय भूमिका निर्वाह गर्ने उहाँको धारणा ब्यक्त गर्नु भएको थियो ।

गुल्मी दरबार गाँउपालिका वडा नं ५,६,७ का ५ वटा स्कुलहरुको विचमा उक्त प्रतियोगिता सम्पन्न भएको थियो । मविध्यार्थीहरुलाई ज्ञान अभिवृद्धि गर्ने र सामान्य ज्ञानमा आधारित बौद्धिक ज्ञानको स्तर मापन गर्ने उद्देश्यले गाउपालिकामा नै पहिलो पटक पोर्जेक्तोर को प्रयोग गरि प्रतियोगिताको आयोजना गरिएको कार्यक्रम संयोजक राजेश खत्रीले जानकारी दिनु भएको थियो ।

प्रतियोगितामा गुल्मी दरबार गाउँपालिका ५,६,७ को शारदा माध्यमिक विद्यालय, ईश्वरी माध्यमिक बिधालय, ठुलापोखरा माध्यमिक बिधालय, गंगा प्रविधिक विधालय तथा रेसुङ्गा ईङलिस वोडिङ स्कुल को सहभागीता रहेको समाजकी अध्यक्ष उषा खत्रीले जानकारी दिनु भएको थियो ।

अन्तर शारदा माध्यमिक विद्यालय प्रथम भएको थियो । हाजिरी जवाफमा ईश्वरी माध्यमिक विद्यालय द्वितिय र ठुलापोखरा माध्यमिक बिधालय तृतिय भएको थियो । गंगा प्रविधिक विधालय सान्तोना भएको थियो । प्रतियोगितामा प्रथम, द्वितिय ,तृतिय , सान्त्वना हुनेलाई क्रमश ९ हजार , ६ हजार ,३हजार र १५०० का साथै ट्रफी र प्रमाणपत्र प्रदान गरिएको गुल्मी चारपाला रुपन्देही सम्पर्क समाजले जानकारी गराएको छ। हाजिरीजवाफ प्रतियोगिताको प्रविधिक संचालन मिरा ट्रस्टका महासचिव रामचन्द्र पौडेल र समग्र कार्यक्रमको संचालन संस्थाका सचीव बिकास टन्डनले गर्नु भएको थियो ।