विभिन्न विषय उठान गर्दै मकवानपुरगढीमा एकीकृत समाजवादीको ज्ञापनपत्र

हेटौंडा । मकवानपुरगढी गाउँपालिकामा भएको विविध कमिकमजोरी र जनसरोकारका विषय वस्तु र विकास प्रति विशेष चासो राख्दै नेपाल कम्युनिष्ट पार्टी (एकिकृत समाजवादी) ले मकवानपुरगढी गाउँपालिकामा ज्ञापन पत्र बुझाएको छ ।

नेकपा (एकिकृत समाजवादी) मकवानपुरगढी गाउँ कमिटीले गाउँपालिका अध्यक्ष रउपाध्यक्ष लाई विभिन्न मागहरु राख्दै जेठ २५ गते ज्ञापन पत्र बुझाएको हो ।

ज्ञापनपत्र बुझाइएको मितिबाट १५ दिन भित्र पार्टीको मागलाई सम्बोधन नगरिकन बेवास्ता , अटेरी गरेमा थप संघर्षको कार्यक्रमहरु गर्ने मकवानपुर जिल्ला कमिटी सचिवालय सदस्य एवम् मकवानपुरगढी सह-ईन्चार्ज राजप्रकाश भण्डारीले बताउनुभयो ।

ज्ञापनपत्र बुझ्दै गाउँपालिका अध्यक्ष रउपाध्यक्षले मागहरु प्रति सकारात्मक रहेको भन्दै विकास निर्माण लगायत जनसरोकारका विषयमा नेकपा (एकिकृत समाजवादी) ले उठाएको मागहरू प्रति सहकार्य गर्दै अगाडि बढ्ने प्रतिबद्धता व्यक्त गर्नुभएको उहाँले बताउनुभयो ।

गाउँपालिकाले गर्ने सर्वदलीय बैठकमा एकीकृत समाजवादीलाई पनि समावेश गराइनुपर्ने , सामरी खोलामा मापदण्ड विपरीत नदिजन्य पदार्थ उत्खनन गरि बिक्री गरिएको भन्दै त्यस्तो कार्य तत्काल रोकि सत्यतथ्य सार्वजनिक गरिनुपर्ने , गाउँपालिका भित्रका क्रसर उद्योग र शिवम सिमेन्ट उद्योगसँग पालिकाले लिनुपर्ने रोयल्टी तत्काल उठाउनुपर्ने लगायतका मागहरु ज्ञापनपत्रमा समावेश गरिएको छ ।

हेर्नुहाेस ज्ञापन पत्र :