अवैध लागूऔषध गाँजासहि दुई जना पक्राउ

काठमाडौं । काठमाडौं चन्द्रागिरी नगरपालिका–२ देउराली भञ्जाङबाट अवैध लागूऔषध गाँजासहित प्रहरीले दुई जनालाई पक्राउ गरेको छ ।

पक्राउ पर्नेहरूमा मकवानपुरको थाहा नगरपालिका–६ बस्ने २३ वर्षीय निमा स्याङतान र धादिङ थाक्रे गाउँपालिका–७ बस्ने २४ वर्षीय बिरे तामाङ रहेका छन् । उनीहरुलाई प्रहरी प्रभाग नागढुंगाबाट खटिएको प्रहरीले ८०० ग्राम लागूऔषध गाँजासहित सोमबार राति पक्राउ गरेको हो ।

धुनीबेशीबाट काठमाडौंतर्फ आउँदै गरेको बा.९१ प ४५९ नम्बरको मोटरसाइकललाई जाँच गर्ने क्रममा मोटरसाइकलमा सवार स्याङतान र तामाङलाई उक्त लागूऔषधसहित पक्राउ गरिएको प्रहरीले जनाएको छ ।