बागमती प्रदेश सरकारले बजेटमाथि मनमानी गरे पछि एमालेले जनायो आपत्ति

हेटौंडा । नेकपा एमालेले बागमती प्रदेश सरकारले बजेट माथि ख्याल ठट्टा गरेको भन्दै आपत्ति जनाएको छ । देश भर आर्थिक अवस्था कमजोर भएको समयमा यसलाई नजरअन्दाज गरेको भन्दै आपत्ति जनाएको हो ।

बागमती प्रदेश सरकारले बजेट विनियोजन गर्दा , प्रदेशको अर्थतन्त्र, सामाजिक आवश्यकताहरु , आवधिक योजना, दिगो विकासका लक्ष्य , अर्थव्यवस्थाको विकास र आर्थिक व्यवस्थाको समृद्धिलाई प्रोत्साहन गर्ने कुरामा ध्यान नदिएको भन्दै विज्ञप्तिमा उल्लेख गरिएको छ । धादिङ , सिन्धुपाल्चोक र नुवाकोट जिल्लामा पनि निश्चित क्षेत्रमा मात्रै विकासको बजेट खन्याएरको छ । आवश्यक जिल्लाहरुमा भने बजेटको विनियोजन हुन सकेको छैन् । बजेटलाई अन्योलको भरमा भए नभएको ठाउँमा खन्याएको छ । हेटौंडामा नभएको दुई वटा वडा २० र २२ मा पनि बजेट खन्याएको भन्दै एमालेले घोर निन्दा गरेको छ ।

सरकारले बजेट मनोमानी ढंगले र अवैधानिक तथा असन्तुष्टि हिसाबले प्रस्तृत गरेकोमा एमालेलेका दलहरुले विरोध जनाएका छन् । सरकारको नीति तथा कार्यक्रम र बजेटबिच कुनै पनि तालमेल नभएको भन्दै एकालेका नेताहरुले बारम्बार ससदं भवन अवरुद्ध गरेको हो । यसलाई सुध्रिन बनाउनु पर्ने तथा बजेटको सहि सदुपयोग नगरे काम पुर्ति नभए सम्म ससंद अवरुद्ध भई रहने दलहरुले जनाएका छन् ।

बिज्ञान प्रतिष्ठान,दुग्ध र सहकारी बोर्डहरुले पुनरसंरचना गर्ने नाममा विघटन गर्ने उद्देश गरेको र प्रादेशिक ससंदिय स्वरुपलाई जुन ढङ्गले आक्रमण भएको छ त्यसलाई अहिलेको बजेटले उचित जवाफ दिन सकेको छैन् । सामुदायिक कृषिलाई निरन्तरता दिने गरि बजेटमा संसोधन गर्नुपर्ने , भीमफेदि कुलेखानी सुरुङ मार्गलाई सरकारसग समन्वय गरि बजेट व्यवस्थापनमा जोड दिनु पर्ने १३ वटै जिल्लालाई प्रदेश गौरव योजनामाफ बजेट व्यवस्थापन गर्नु पर्ने , पालिकाको केन्द्र सग जोडने सडकलाई गुरुयोजना बनाई बजेटको व्यवस्थापन गर्नु पर्ने , कृषिलौ आधुनिकीकरण गरि युवाजनलाई देशमा स्वरोजगार बनाउन काटेको ३ अर्ब रकमलाई बढाइ पुर्ण समाबेश गर्नु पर्ने , स्थानीय सरकालाई साना बजेटको कार्यक्रमहरु गर्नदिनु पर्ने , सामुदायिक वनले बाहिर काठ बिक्री गर्दा लाग्ने करमा १० प्रतिशतबाट बढाइ २० प्रतिशत गर्नु पर्ने , कृषि र पर्यटनका बजेटमा प्राथमिकता दिनु पर्ने , नदि तथा खोला करिडोर व्यवस्थापन गर्नु पर्ने र प्रदेश राजधानी हेटौंडामा प्रशासनिक भवनहरु निर्माणलाई अघि बढाउनु पर्ने जस्ता बिषयहरु नेता जगन्नाथ थपलियाले विज्ञप्ति मार्फत उल्लेख गरेका छन् ।