महालक्ष्मी बैंक हेटौडाद्धारा अमर माविका विद्यार्थीलाई ५० हजार सहयोग

हेटौंडा । महालक्ष्मी विकास बैंक हेटौंडा शाखाले हेटौंडाको एक विद्यालयमा अध्यनरत छात्रालाई अध्ययनमा सहयोग गरेको हो । बैंकले संस्थागत सामाजिक उत्तरदायित्व अन्र्तगत शुक्रबार हेटौंडा – १ अमर माविमा अध्ययनरत् छात्रा सुमिना भोम्जनलाई ५० हजार रुपैयाँ सहयोग गरेको हो ।

कक्षा–१० मा अध्ययनरत् छात्रा भोम्जनको आर्थिक अवस्था कमजोर भएकाले अध्ययनमा सहयोग गर्ने उद्देश्यले बैंकले ५० हजार नगदसहित सहयोग गरेको जनाएको छ । विद्यालयमा आयोजित कार्यक्रममा उनलाई रकम हस्तान्तरण गरिएको थियो ।

सहयोग रकम तत्कालिन यती फाइनान्स स्थापनादेखि मर्ज भएर महालक्ष्मी विकास बैंक हुँदासम्म सञ्चालक रहेका स्वर्गिय अशोक श्रेष्ठको श्रीमती निर्मला श्रेष्ठले भोम्जनलाई हस्तान्तरण गरेकी थिइन् । बैंकले उक्त सहयोग रकम ‘अशोक श्रेष्ठ महालक्ष्मी मेरिट स्कलरसीप’ शिर्षकबाट प्रदान गर्दै आएको छ । अघिल्लो वर्षपनि अमर माविकै विद्यार्थीलाई सहयोग गरिएको थियो ।

बैंकका हेटौंडा शाखा प्रमुख अन्नतराज धितालको अध्यक्षतामा भएको कार्यक्रममा प्रमुख अतिथि श्रेष्ठ, हेटौंडा–१ का वडा अध्यक्ष सविन न्यौपाने, बैंकका बागमती प्रदेश एरिया ख का प्रमुख शम्भुु पराजुली, विद्यालय व्यवस्थापन समितिका अध्यक्ष उमाकान्त गौतम, समितिका सदस्य मानबहादुर लामा,विद्यालयकी प्रधानाध्यापक मालती उप्रेतीलगायतले मन्तव्य व्यक्त गरेका थिए ।

शाखा प्रमुख धितालले बैंकले सामाजिक उत्तरदायित्वलाई सधै प्राथमिकतामा राख्दै भोलीका दिनमा पनि समाजका विभिन्न क्षेत्रमा सहकार्य र सहयोगलाई निरन्तरता दिने प्रतिवद्धता जनाएका छन् ।