हेटौंडा ३ स्थित दुई सामुदायिक बिधालयलाई फिरि कपि ,युनिलिभरसगँ ५ बर्षे सम्झौता

हेटौंडा । हेटौंडा ३ बसामाडीमा वडा कार्यालयद्वारा सामुदायिक बिधालयलाई शैक्षिक सामाग्रीको व्यवस्थापन गरिएको छ ।

दुई वटा सामुदायिक बिधालयलाई सामाग्रीको व्यवस्थापन गरिएको हो । बसामाडीमा रहेको महेन्द्र किरण मा. वि र लेवटमा रहेको श्री बाल उज्ज्वल मा . विमा अध्यनरत कक्षा १र २ का बालबालिकाहरुको लागि सामाग्रीको व्यवस्थापन गरिएवको वडा अध्यक्ष ढलक बहादुर थापाले बताए ।

युनिलिभर नेपाल प्राईभेट लिमिटेडसगँ शैक्षिक सामाग्री कपिको लागि समन्वय भएको थापाले बताए । ५ बर्षिय कार्यकाल रहे सम्म युनिलिभसगँ भएको सम्झौता रहिरहने उनले बताए । प्रत्येक बर्ष ५ लाखको सम्झौता गरएको छ । शिक्षाले समाज निर्माण तथा देशको भावि दिनहरुमा पनि धेरै नै महत्त्वपूर्ण भुमिका निर्वाह गर्ने हुदा वडाले शिक्षालाई पहिलो प्राथमिकता दिएको वडा अध्यक्ष थापाले बताए ।