अस्थाई प्रहरी पोष्ट बमनहर समुद्‍घाटन कार्यक्रम सम्पन्न

रौतहट । रौतहटको यमुनामाई गाउँपालिका-४ हुलाकी सडक अन्तर्गत बम नहर चौकमा अस्थायी प्रहरी पोस्ट स्थापना भएको छ।

जिल्लाको यमुनामाई गाउँपालिकाको वडा नम्बर ४ बमनहर स्थित रहेको पशुसेवा शाखाको भवनमा जिल्ला प्रशासन कार्यालय रौतहटका प्रमुख जिल्ला अधिकारी धर्मेन्द्रकुमार मिश्रको प्रमुख आतिथ्यता र नेपाली सेनाको प्रमुख सेनानी गंगाबहादुर बिष्टको विशिष्ट आतिथ्यतामा समुद्‍घाटन कार्यक्रम भएको हो ।

जिल्ला प्रहरी कार्यालय रौतहटको प्रमुख प्रहरी उपरिक्षक प्रहरी बिरबहादुर बुढा मगर, सशस्त्र प्रहरी उपरीक्षक माधव रेग्मि, उप- अनुसन्धान निर्देशक चन्दनकुमार झा, यमुनामाई गाउँपालिकाका प्रमुख प्रशासकिय अधिकृत, वडा नम्बर ४ र ५ का बडाध्यक्षहरु, राजपुर नगरपालिका १ का वडा अध्यक्ष शेख, अमिरुल्लाह र पत्रकार , स्थानीय बुध्दजिवी युवा लगायतको उपस्थितिमा अस्थाई प्रहरी पोष्ट बमनहरको उद्घाटन कार्यक्रम सम्पन्न भएको हो ।