सवारी चालक सञ्जु लोप्चन मृत अवस्थामा फेला

हेटौंडा । हेटौंडा उपमहानगरपालिकाका सवारी चालक सञ्जु लोप्चन आज बिहान मृत अवस्थामा फेला परेका छन् ।

५० वर्षीय तामाङ इलामको सूर्योदय नगरपालिका–४, अन्तुभञ्ज्याङको मुनलाईट होटलमा मृत अवस्थामा फेला परेको प्रहरीले जनाएको छ ।

प्रहरीका अनुसार, तामाङ हेटौंडा उपमहानगरको कर्मचारीको एक टोलीसँग इलाम पुगेका थिए । गएराति ११ बजेतिर खाईपिई गरी साथीहरूसँगै सुतेका उनी बिहान मृत अवस्थामा फेला परेका हुन् ।

मृतकका आफन्त घटनास्थलमतर्फ जाँदै गरेको जनाइएको छ । हाल तामाङको मृत्युको कारण नखुलेको र घटनाको बारेमा आवश्यक अनुसन्धान गरिरहेको प्रहरीले जनाएको छ ।