लम्पी स्किन रोगको नियन्त्रण गर्ने सामर्थ्य सरकारको छैन: सचेतक बर्तौला

काठमाडौं ।नेकपा (एमाले)को प्रतिनिधि सभाका सचेतक महेश वर्तौलाले लम्पी स्किन रोगले देशका लाखौं किसानहरु पिडित भएको भन्दै त्यस रोगको नियन्त्रणका लागि सरकारी एजेन्सीहरुको प्रभावकारी परिचालन गर्दै रोगको नियन्त्रण गर्ने सामर्थ्य सरकारको नभएको बताए । एमाले सचेतक वर्तौलाले करिव एक महिनाको अन्तरालको संसदको गतिरोध पछि बुधवार चलेको संसदमा बोल्दै किशानहरु चिन्तित भएको र रोइरहेको बताएका छन् ।

उहाँका अनुसार अहिले सम्म करिव १४ लाख भन्दा बढी पसु चौपाया लम्पी स्किन रोगबाट संक्रमित भइसकेको छ । मकवानपुर संघीय निर्वाचन क्षेत्र नम्बर २ बाट निर्वाचित युवा साँसद वर्तौलाले ५२ हजार ४ सय ४८ पसु चौपाया मृत्युु भएको छ।  यसबाट नेपाली किसानहरूले करिव ६५ अर्ब बराबरको घाटा व्यहोर्नु परेको छ । प्रतिनिधि सभामा दूध जन्य उत्पादनमा सवा खर्ब नोक्सानी भएको बिषय राख्दै सरकारले किसानका क्षतिमा क्षतिपूर्ति दिनुपर्ने जोडदार माग राखेका छन् ।

उनले हेटौंडा उपमहानगरपालिका र मनहरी गाउँपालिका लगायतको ठाउँहरुमा लामो समय देखि भुमिहिन, अव्यवस्थित बसोबासिहरुले जग्गाधनी पुर्जाका लागि अपिल गरिराखेका र हजारौं जनताले मनहरिमा आन्दोलन गरिरहेको बिषय राख्दै तुरुन्त जग्गा बितरणका लागि सरकारलाई घच्घच्याएका छन् ।