बालमैत्रि वडा घोषणामा अघि बढ्दै हेटौंडा ९

हेटौंडा । हेटौंडा उपमहानगरपालिकाले बालमैत्रि वडा घोषणा निर्णय गरेको छ । १९ वटै वडालाई बालमैत्रि वडा घोषणा गर्न लागेको हो ।

त्यसै गरि हेटौंडा ९ मा पनि बालसञ्जालहरु सक्रिय भएको पाईन्छ । हेटौंडा उपमहानगरपालिकाद्वारा बालबालिकाको लागि खटिएका सहजकर्ता आशिश खतिवडा भन्छन् , बालबालिकालाईले आफुले पाउनु पर्न हक अधिकार उनिहरुले पाउनु पर्दछ , शिक्षा , स्वास्थ्य , खेलकुदमा पहुँच पुग्नु पर्ने रहेको छ । बालबालिका देशको भावि कर्णधार हुन् । यस वडामा बारा जिल्ला सँगको खुल्ला सिमाना भएको कारणले पनि यहाँ कामको सिलसिलामा धेरै आउने गरेको पाइन्छ । त्यस्ता बालबालिकालाई पनि मध्य नजर गरेर उनिहरुले पाउनु पर्ने हक सुनिश्चित गरेका छौं । बालबालिका सम्बन्धि जनचेतना मुलक कामहरु गरिरहेका छौं । यहाँ ३वटा सामुदायिक बिधालय र ३वटा संस्थागत बिधालय रहेको छ ।

बालबालिकाको पहुँच बढि रहेको क्षेत्रलाई केन्द्र बिन्दु बनाई बाल सञ्जालहरु गठन गर्ने , जनचेतनामुलक कार्यक्रमहरु गर्ने गरि रहेका छौं । यस वडामा २४ वटा टोलविकास संस्था रहेको त्यस मध्य बाल सञ्जालहरु गाबेर १९ वटा रहेको छ । टोल टोलमा बालसञ्जालका सहजकर्ता साथिहरुले काम गरिरहेका छन् । जस्तै स् बालविवाह रोक्ने , बालश्रम रोक्ने , बालबालिकाको अधिकार हनन भएकोमा आवाज उठाउने जस्ता कार्यहरु गरिरहेका छौं । त्यसै गरि बालमैत्रि वडा घोषणाको लागि यहाँ लगभग कामहरु पूरा भईसकेको पाइन्छ । छिट्टैनै बालमैत्रि हेटौंडा ९ नम्बर वडा घोषणा गर्ने तर्फ लागि सकेको बताए ।