हेटौंडा बजारको सडक २५ गज नभई २५ मिटर विस्तार हुनुपर्छ :सचेतक महेश बर्तौला

हेटौंडा । नेकपा (एमाले)का सचेतक महेश बर्तौलाले हेटौंडा बजारको सडक २५ गज नभई २५ मिटर विस्तार हुनुपर्ने बताउँनुभएको छ । शुक्रबार प्रेस चौतरी मकवानपुर शाखाले हेटौंडामा आयोजना गरेको पत्रकार सम्मेलनमा बोल्दै मकवानपुर क्षेत्र नम्बर २ का सांसद समेत रहेका बर्तौलाले हेटौंडा बजारको सडकको दायाँबायाँ २५-२५ मिटर विस्तार गर्नुपर्ने धारणा राख्नुभयो ।

हेटौंडाको लागि सडक विस्तार आवश्यक रहेको बताउँदै उहाँले सडक विस्तारको नाममा सर्वसाधारणलाई सुकुम्बासी बनाउन नमिल्ने पनि बताउँनुभयो । उहाँले हेटौंडामा लामो समयदेखि व्यवसाय गरेर बसेकाहरुलाई उचित व्यवस्थापन गरेर सडकलाई फराकिलो पार्नुपर्ने बताउँनुभयो ।

उहाँले जनप्रतिनिधिहरु विकास विरोधी बन्न नहुने बताउँदै सबै राजनीतिक दलहरुले एकै धारणा बनाएर सडक विस्तारको कार्य अघि बढाउनु पर्ने बताउँनुभयो । उहाँले यहाँको सडक विस्तारमा उठेका जनगुनासोलाई समेत सम्बोधन गर्ने गरी सरकार अगाडि बढ्नुपर्ने बताउँनुभयो ।खबरब्रेकबाट