सरकार विरुद्धको मुद्दा अदालतमा पेन्टिङ छ: प्रधानमन्त्री प्रचण्ड

हेटौंडा । समाजवादी मोर्चा नेपालले एउटा नयाँ आन्दोलनको अभियानका रुपमा भ्रष्टाचार विरुद्ध, सुशासन, सामाजिक न्याय, समृद्धिको पक्षमा सुरु गरिएको बताउनुभएको छ । आइतबार बागमती प्रदेशको राजधानी हेटौंडामा आयोजना गरिएको समाजवादी मोर्चा नेपाल सन्देश सभालाई सम्बोधन गर्नुहुँदै प्रधानमन्त्री पुष्पकमल दाहाल(प्रचण्ड)ले यस्तो बताउनुभएको हो ।

जसलाई एक थरीका मानिसहरुलाई मन परेको छैन । कोहीकोहीलाई यो अभियान उनीहरूको सोच विरुद्ध, हिजो उनीहरूले चलाएको बेथिति विरुद्ध, कुशासनका विरुद्ध परिरक्षक छ । त्यसकारण आफूले उक्त अभियान सुरु गरेको देखि नै सरकार र नेतृत्वको विरुद्ध एक खालको दबाब विभिन्न कोणबाट भएको बताउनुभयो । प्रधानमन्त्री दाहालले भन्नुभयो- सायद तपाईंहरुलाई नि लागेको होला ! पटकपटक प्रधानमन्त्री कार्यकारी प्रमुख विरुद्ध मुद्दा पर्ने गर्दाछ । विस्तृत शान्ति,सम्झौताको मर्म तथा भावना विपरीत गएर मुद्दा परेको छ । जुन अन्तरिम संविधानदेखि संविधान सभाको संविधानलो मुल भावना तथा मर्ममाथि प्रहार गर्दै प्रधानमन्त्रीको विरुद्ध मुद्दा हालेको छ ।

आफ्नो उक्त धारणा अदालतमाथि कुनै अशंका तथा अपमान गर्न नभएको बताउनुभयो । अदालतलाई धन्यवाद दिँदै भन्नुभयो-कमसेकम अदालतले ती मुद्दालाई सोकबत नोटिस जारी गर्दै पेन्टिङ गरि दिएको छ । तर मुद्दा त छ । उक्त विषय सामान्य होइन । आफूले उक्त विषय सरकारको प्रधानमन्त्रीको व्यक्तिगत कुरा नभएको र नहुने पनि बताउनुभयो । यो परिवर्तनप्रति जनताले गरेको त्याग, तपस्या, बलिदानको सम्मान गर्ने कि नगर्ने भन्ने कुरासँग सम्बन्धित रहेको प्रधानमन्त्री दाहालको भनाइ छ ।

यसैगरी प्रधानमन्त्री दाहालले कम्युनिस्टहरु विभाजित मात्र हुन्छ भन्ने भ्रम सिर्जना गर्न खोजिएको समेत बताउनुभयो । आवश्यक पर्दा एक भएर साझा रुपमा दुश्मनको विरुद्ध लड्ने उत्तिकै सिपालु पनि रहेको जिकिर गर्नुभयो । विगतका कुराभन्दा पनि केही दिनअघि हामी एउटा मुलधारबाट विभाजित भयौं । ती विभाजित भएका कम्युनिस्टहरु एक मुलधारमा आउने परिस्थिति बनेको बताउनुभयो छ । जसमा ४ वटा दलले समाजवादी मोर्चा नेपालमा रहेको जानकारी गराउनुभयो ।