मनहरी गाउँपालिकाले पत्रकारमाथि दुव्र्यवहार गरेको भन्दै पत्रकार महासंघको ध्यानाकर्षण

हेटौडा । मनहरी गाउँपालिकाले शनिबार आयोजना गरेको पत्रकार सम्मेलनप्रति नेपाल पत्रकार महासंघ मकवानपुरको ध्यानाकर्षण भएको छ । पत्रकार सम्मेलनमा उपस्थित पत्रकारमाथि भएको व्यवहारप्रति नेपाल पत्रकार महासंघ मकवानपुरको गम्भिर ध्यानाकर्षण भएको बताएको छ ।

स्थानीय सरकार जस्तो जिम्मेवार निकायले पत्रकार सम्मेलनमा पत्रकारहरुलाई निमन्त्रणा गरेर नियन्त्रणामा लिने, बन्धक बनाउने, बाहिरी मान्छेहरुलाई पत्रकार सम्मेलन स्थलमा प्रवेश गर्न लगाएर स्वतन्त्र प्रेसमाथि धावा बोल्ने गरेको प्रेस विज्ञप्तीमा उल्लेख छ । यस्ता दुव्र्यवहारले आम मकवानपुरे पत्रकारमा त्रासको अवस्था सिर्जना भएको नेपाल पत्रकार महासंघ मकवानपुरका अध्यक्ष मणिराज गौतमले जानकारी दिनुभयो ।

पालिकाले आयोजना गरेको पत्रकार सम्मेलनमा पत्रकार असुरक्षित हुँदा समेत पालिकाका जनप्रतिनिधिहरुले पत्रकारलाई सुरक्षा प्रदान गर्न नसक्नुले अत्यन्त गैरजिम्मेवार घटना भएको महासंघको ठहर छ । पालिकाले आयोजना गरेको पत्रकार सम्मेलनमा पत्रकार असुरक्षित भएर पत्रकारहरुले नै प्रहरी र प्रशासनसंघ सुरक्षा माग्नुपर्ने अवस्था सिर्जना हुनुभन्दा विडम्वना अरु के होला ? त्यसकारण यस घटनाप्रति पालिकाको तर्फबाट पूर्णप्रेस स्वतन्त्रताको पक्षमा रहेको प्रतिबद्धता तत्काल जाहेरका महासंघ मनहरी गाउँपालिका कार्यालयलाई अनुरोध गर्दछ भनिएको छ ।

कार्यालयले आफ्नै पत्रकार सम्मेलनमा बोलाएर जसरी पत्रकारमाथि दुर्व्यवहार गर्ने, मानसिक तनाव दिने र स्वतन्त्र प्रेसमाथि नै धावा बोल्ने काम गरेको छ । यसको महासंघ मकवानपुर घोर भत्र्त्सना गर्दछ । साथै स्वतन्त्र प्रेस माथिको जुनसुकै प्रकारका हस्तक्षेपको प्रतिकारमा महासंघ सधैं  तयार रहेको यसै विज्ञप्तीमार्फत् सरोकारवाल निकायलाई जानकारी गराएको जनाएको छ ।