जिल्ला आयुर्वेद स्वास्थ्य केन्द्रको अन्तक्रिर्या कार्यक्रम सम्पन्न , गत बर्ष भन्दा सुधार भएको

हेटौंडा । हेटौंडामा आयुर्वेद सेवाको प्रवर्द्धन गर्न स्थानीय स्तरका पत्रकारहरुसँग अन्तरक्रिया कार्यक्रम गरिएको छ । कार्यक्रम बागमती प्रदेश सरकार स्वास्थ्य मन्त्रालय , स्वास्थ्य निर्देशनालय र जिल्ला आयुर्वेद स्वास्थ्य केन्द्रले आयोजना गरेको हो ।

नागरिक आवासिय तालिम केन्द्रको भवनमा भएको कार्यक्रममा आयुर्वेदले गर्ने फाईदा र मानव जिवनमा यसको आवश्यकताको बिषयमा छलफल भएको छ । मकवानपुरमा २०३४ सालबाट सञ्चालनमा आएको हो । जिल्ला आयुर्वेद स्वास्थ्य केन्द्रले हेटौंडा २ बनस्खण्डीमा रहेको छ । सो संस्थाले हालसम्म विभिन्न सेवाहरु दिई रहेको छ । जस्तैः बहिरंग सेवा( विशेषज्ञ सहित ) , प्रयोगशाला सेवा , फिजियोथेरापी सेवा , क्षारसूत्र सेवा , पुर्वकर्म र पञ्चकर्म सेवा , अकुपञ्चर सेवा , योग सेवा , नि: शुल्क औषधि वितरण सेवा , स: शुल्क फार्मेसी सेवा , जेष्ठ नागरिक तथा स्तनपान गराउने आमाहरुका लागि विशेष सेवा , उपचार तथा जडिबुटी सम्बन्धि परामर्श , खानपान तथा जिवनशैलि परिवर्तन सम्बन्धि परामर्श सेवा , बिधालय आयुर्वेद शिक्षा कार्यक्रम र नि: शुल्क आयुर्वेद स्वास्थय शिविर , आयुर्वेद जनचेतनामुलक कार्यक्रम (सेवा)सञ्चालन भईरहेको छ ।

सो संस्थाले हाल यस गत बर्षसम्म विभिन्न कार्यक्रमहरु गरिएको छ । यसैको फल स्वरुप आर्थिक बर्ष २०७९/०८० संस्थाको प्रगति विवरण ८९.१२ प्रतिशत रहेको छ । अन्य बर्ष भन्दा यस बर्ष सेवाग्राहिहरुमा बृद्वि आएको छ।

जिल्ला आयुर्वेदको सेवा प्रदानको लागि विभिन्न ठाउँमा शाखाहरु पनि रहेको छ । त्यसै गरि ४ वटा गाउँपालिकामा र १ वटा नगरपालिकामा गरि ५ वटा शाखाहरु विभिन्न ठाउँमा सञ्चालनमा आएको छ । जस्तैः नागरिक आयोग सेवा केन्द्र , मनहरी गाउँपालिका -९ , रजैया मकवानपुरमा , नागरिक आयोग सेवा केन्द्र , बकैया गाउँपालिका -३ हात्तीसुँडे मकवानपुरमा , नागरिक आयोग सेवा केन्द्र , बागमती -४ , पाँचपाण्डव मकवानपुरमा , नागरिक आयोग सेवा केन्द्र , कैलाश गाउँपालिका -८ भार्ता मकवानपुर र नागरिक आयोग सेवा केन्द्र , थाहानगरपालिका -३ शिखरकोट मकवानपुरमा शाखाहरु रहेको छ ।

आयुर्वेद सेवाको प्रवर्द्धन गर्न स्थानीय स्तरका पत्रकारहरुसँग अन्तरक्रिया कार्यक्रम डा. ललिता पाण्डेकाे अध्यक्षतामा समापन भएकाे हाे ।