मनिष मल्होत्राले आफ्नो पार्टीमा आउनेलाई कपडा दिन्छन, भोलीपल्ट माग्छन्ः फराह खान

मुम्बई । हरेक वर्ष सेलिब्रेटीको घरमा हुने दिवाली पार्टीहरु हेडलाइनमा रहन्छन् ।

धेरै ठूला सेलिब्रेटीहरू डिजाइनर पोशाक लगाएर पार्टीमा पुग्छन् र पापाराजीको लागि पोज दिन्छन्। हालै, कोरियोग्राफर, निर्माता र निर्देशक फराह खानले मनीष मल्होत्राको पार्टीको खुलासा गरेकी छिन्। फराहले सेलिब्रेटीहरूलाई पार्टीमा आउनका लागि मल्होत्राले सबैजसोलाई लुगा दिने र भोलिपल्ट फिर्ता लैजाने गरेको बताएकी छन् ।

फराह खान हालै कमेडियन भारती सिंह र हर्ष लिम्बाचियाको ‘लोल पोडकास्ट’ को लागि अन्तर्वार्ता दिन आएकी थिइन्। कुराकानीका क्रममा भारतीले फराहलाई भनिन्, ‘फराह म्याम, आजकल सेलिब्रेटीको घरमा ठूला ठूला दिवाली पार्टीहरू हुन्छन्, सेलिब्रेटीहरू महँगो लुगा लगाएर आउँछन् नि…’

भारतीलाई अवरोध गर्दै फराहले भनिन्, ‘ती कपडाहरू सबै मागेको कपडा हुन, उनीहरुका आफना होइनन् ।’

यो सुनेर भारती स्तब्ध भइन् र भनिन्, ‘सेलेब्सको घरबाहिर फूल रोपिन्छन् र सेलेब्सलाई पापाराजीले रोकेर पोज दिन आग्रह गर्छन् । के ती लुगाहरू पार्टीमा जाने व्यक्तिहरुको होइन र ?

जवाफमा फराह खानले भनिन, ‘मनिष मल्होत्राको पार्टीमा सबैलाई लुगा दिइएको थियो तर भोलिपल्ट हामीले ती कपडाहरू फिर्ता गर्यौं।’

यो सुनेर दुः खी हुँदै भारतीले भनिन्, ‘ओहो, हामीले पनि फिर्ता दिनुपर्छ ?’

त्यसपछि हर्षले फराहलाई सोधे, ‘मनिष सर सबैलाई लुगा दिन्छन् ?’

फराहले भनिन्, ‘अहिले के हुन्छ सबैले उसलाई (मनिष मल्होत्रा) समात्छन् र भन्छन्, हामी आउँदैछौँ, लुगा बनाऊ । तर मनिषको लागि पनि राम्रो छ। यसले मानिसहरूलाई उनको संग्रह हेर्न अनुमति दिन्छ। त्यो पार्टी ए लिस्टरहरूको फेसन शो जस्तै हो। सबैजना आफ्नो डिजाइनर लुगा लगाएर आउँछन्। त्यहाँ सबैजना शो स्टपर छन्।’