प्युठानका संन्चारक्रर्मी हमालले जन्मदिनको अवसरमा बिरामीलाई फलफूल वितरण

प्युठान – प्युठानका संन्चारक्रर्मी जिवन हमालले जन्मदिनको अवसरमा बिरामीलाई फलफूल वितरण गरेका छन्। । आफ्नो २६ औं जन्मदिनको अवसरमा प्राथमिक स्वास्थ्य केन्द्र भिगृमा उपचारथ ६५ जना बिरामीहरूलाई फलफूल वितरण गरेर जन्मदिन मनाएका हुन।

स्वर्गद्वारी नगरपालिका वडा नम्बर २ घर भई हाल भिंगृमा रहेको रेडियो स्वर्ग भुमि १०६.७ मेगाहर्जमा प्राविधिक प्रमुख तथा कूशल कार्यक्रम सञ्चालकको रुपमा कार्यरत हमालले जन्मदिनको अवसर पारी उक्त कार्य गरेका हुन् । जन्मदिनमा हुने फजुल खर्चलाई रोकेर बिरामीलाई फलफूल वितरण गर्न पाउदा हमालले खुसी व्यक्त गरेका छन् ।

उक्त फलफूल वितरण कार्यक्रममा रेडियो स्वर्गभुमिका स्टेसन म्यानेजर सिपि पौडेल, स्वर्गद्वारी नगरपालिकाका प्रमुख प्रशासकीय अधिकृत तुल्सीराम गैरे ,लेखा अधिकृत धनबहादुर ओली, आइटि शाखा प्रमुख शौन्दर्यमणि सुवेदी प्राथमिक स्वास्थ्य केन्द्र भिगृका प्रमुख डाक्टर मुदिता खत्री लगायतको उपस्थिति रहेको थियो। संन्चारक्रर्मी हमालले अस्पतालमा फलफूल वितरण गर्दै उपचारमा रहेका विरामीहरुको स्वास्थ्य लाभको कामना गरेका थिए ।