धरहरा चढ्न आजदेखि प्रतिव्यक्ति रु २०० लाग्ने,विद्यार्थी,जेष्ठ नागरिक र अपाङ्ग व्यक्तिहरूलाई ५०% छुट

काठमाडौं। आजदेखि धरहरा चढ्न प्रतिव्यक्ति सर्वसाधारण सबैलाई रु २०० रुपैयाँ मूल्य निर्धारण गरेको छ।

सहरी विकास मन्त्रालय गरेको प्रस्ताव अनुसार प्रति व्यक्ति रु २०० रुपैयाँ शुल्क तोकिएको हो।

यसअघि परीक्षणका रूपमा निःशुल्क शुल्क रहेको धरहरा अब भने सशुल्क सहित शुल्क लाग्ने भएको छ ।

धरहरा चढ्न आउने विद्यार्थी,जेष्ठ नागरिक र अपाङ्ग भएका व्यक्तिहरूलाई भने रु ५०% छुट सहितको सहुलियत गरेको सहरी विकास मन्त्रालयले जनाएको छ।

सार्क राष्ट्रबाट आउने पर्यटनको लागि भने कुनै पनि रु ५०० र सार्क राष्ट्र बाहेक अरु देशबाट आउने पर्यटकलाई भने रु १००० मूल्य तोकेको छ । यसरी गरी धरहर परिषद् वरपर पार्किङ गर्न मन्त्रालयले चार पाङ्ग्रे मोटरको हकमा प्रतिघण्टा रु २० रुपैयाँ र दुई पाङ्ग्रे सवारीलाई भने १० रुपैयाँ मूल्य तोकेको छ । धरहरा प्रवेशका लागि भने रु ५० रुपैयाँ टिकट निर्धारण गरेको छ।

त्यस्तै धरहरा स्तम्भमा राष्ट्रिय महत्त्वका विज्ञापन गर्न प्रति घण्टा रु ५ हजार मूल्य तोकेको छ। त्यस्तै धरहरा परिषद्मा व्यवसायिक भिडियो छायांकन गर्न प्रतिघण्टा ५ हजार र फोटोग्राफीको लागि प्रतिघण्टा १००० मूल्य तोकेको छ।