प्राध्यापक र कर्मचारीद्वारा खुल्ला विश्वविद्यालयमा लालबन्दी

काठमाडौँ। आजदेखि स्थाइ प्रक्रिया नगरेको र ऐनमा भएको सेवा सुविधा नपाएको भन्दै दुई बुँदे माग सहित प्राध्यापक र कर्मचारीले आन्दोलन गर्दै नेपाल खुल्ला विश्वविद्यालयलाई तालाबन्दी गरेका छन्।

आन्दोलित प्राध्यापक र कर्मचारीले उपकुलपति रजिस्ट्रार र डिनको कार्यालयमा गएर ताला लगाएका छन् ।

संघर्ष समितिका अनुसार; सातौँ सिनेटको बैठकले स्थायी प्रक्रिया अगाडि बढाउन निर्देशन दिएको थियो। तर अहिलेसम्म पनि कुनै पनि प्रक्रिया अगाडि नबढेपछि यो आन्दोलन गर्न बाध्य भएका हौं,उपप्राध्यापक भोजराज घिमिरे भने ।

आइतबार बसेको बैठकमा सोमबार कार्यकारी परिषदको माग सम्बोधन गर्ने सहमति भएको थियो। सोमबार निर्णय गर्ने भनिएको बैठक उपकुलपति शिलु मानन्धर बज्रचार्यले बैठक स्थगित गरेपछि आन्दोलन गर्नुपरेको घिमिरेले बताए । उनी भन्छन्;” निर्णय गर्न बस्ने भनिएको कार्यकारी परिषदको बैठक अन्त्यमा स्थगित गर्नुमा केही शंका गर्न सकिन्छ।”

खुल्ला विश्वविद्यालयमा अहिलेसम्म एकजना पनि स्थायी शिक्षक कर्मचारी रहेको छैन। २०७५ साल विज्ञापन खोलेर लिखित प्रयोगात्मक र मौखिक तीनवटा प्रक्रिया पूरा गरेर करारमा नियुक्त गरिएको थियो। तर स्थायी कर्मचारीहरूको पनि प्रक्रिया अहिलेसम्म अघि बढाएको छैन।

स्थायी कर्मचारीहरूले पाउनुपर्ने सामाजिक सुरक्षा,पेन्सन उपदान र बीमाको व्यवस्था पाएको छैन । घिमिरेले भने, अहिले प्राध्यापक र कर्मचारी गरेर ३५ जना कर्मचारीहरु आन्दोलनमा संलग्न भएका छन्।

आफ्नो जायज माग राखेर आन्दोलनमा उत्रेका प्राध्यापक र कर्मचारीलाई उपकुलपति बज्रगाईले प्रहरी प्रशासन लगाएर धम्कीपूर्ण कार्यहरू गरिरहेको घिमिरेले जानकारी दिए ।