कक्षा १० को परीक्षालाई अब प्रदेशलाई हस्तान्तरण गर्छौं; शिक्षामन्त्री विद्या भट्टराई

काठमाडौँ। अब सरकारले माध्यमिक शिक्षा तहको परीक्षा (एसईई) लाई प्रदेश सरकारलाई हस्तान्तरण गर्ने भएको छ।

आज (जोइन) ले आयोजना गरेको एक पत्रकार सम्मेलनमा शिक्षा विज्ञान तथा प्रविधिमन्त्री विद्या भट्टराईले कक्षा १० को माध्यमिक तहको परीक्षालाई व्यवस्थित बनाउनका निमित्त प्रदेशलाई हस्तान्तरण गर्ने बताएकी छिन्।

राष्ट्रिय परीक्षा बोर्डको माध्यमिक तहको परीक्षालाई एउटै मात्र राखिने भनाइ उल्लेख गर्दै अब हुने परीक्षा बोर्डलाई एउटै ले गर्नुपर्छ। कक्षा १२ सम्मको परीक्षालाई एउटाले सम्हाल्नुपर्छ। यस अघि कक्षा १० र कक्षा १२ को परीक्षा छुट्टाछुट्टै लिँदै आइरहेकोमा व्यवस्थित बनाउन यो जिम्मेवारी एउटैले लिनुपर्छ,उनले भनिन्।

मन्त्री भट्टराई भन्छिन्, नतिजा सुधारको लागि पनि एउटा छुट्टै कार्यदल बनाएर काम हाल गरिरहेको छौं।

अनिवार्य तथा निःशुल्क शिक्षा ऐन कार्यान्वयनमा अगाडि बढिरहेको छ। कक्षा ९ र ११ मा रजिस्टर शुल्क नलिने निर्णय भएको छ, उनले भनिन्। साथै अब कक्षा ९ मा मात्र रजिस्टर फर्मभरे हुन्छ।

यो सबै आगामी वर्षदेखि नै रजिस्टर शुल्क प्रणाली लाग्दैन। पढ्ने विद्यार्थीहरूकोबाट राजस्व उठाउने प्रणाली राम्रो होइन र विद्यार्थीबाट निलम्बन शुल्क पनि नलिने निर्णय भएको छ, उनले भनिन् ।