रौतहट पब्लिक स्कुलको ६ औं वार्षिकोत्सब तथा साँस्कृतिक कार्यक्रम सम्पन्न

रौतहट। रौतहट पब्लिक स्कुलको ६ औं वार्षिकोत्सब तथा साँस्कृतिक कार्यक्रम सम्पन्न भएको छ । रौतहटको देवाही गोनाही नगरपालिका वडा नम्बर ८ प्रेमपुर गोनाही स्थित रहेको रौतहट पब्लिक स्कुलले आज आफ्नो ६औं वार्षिकोत्सब विभिन्न कार्यक्रम गरि सम्पन्न गरेको छ ।

जिल्ला समन्वय समिति कार्यालय रौतहटका प्रमुख राम अजोध्या यादवको प्रमुख आतिथ्यता तथा देवाही गोनाही नगरपालिकाको नगर प्रमुख प्रेमलाल साहको विशेष आतिथ्यतामा बिधालयले आज (शनिबार) सान्स्कृतिक कार्यक्रम सहित आफ्नो ६औं वार्षिकोत्सब सम्पन्न गएको हो । कार्यक्रममा सोही बिधालयमा अध्ययन रत रहेका छात्रछात्राहरुले आफ्नो तर्फबाट सान्स्कृतिक प्रस्तुति दिएको थियो ।

यस्तै कार्यक्रमलाई सम्बोधन गर्दै सोही नगरपालिका स्थित रहेको वडा नम्बर ७ उचिडिको श्री आधारभूत बिधालयका प्रधानाध्यापक मुक्ति सरले सामुदायिक बिधालय र बोर्डिङहरु बीच खासै फरक न रहेको बताएका छन् । उनले नेपाल सरकारबाट मान्यता लिएर चलेको रौतहट पब्लिक स्कुल जस्तो बिधालयमा अभिभावकले आफ्नो सन्तानलाई अध्ययन गराउन कुनै समस्या न भएको बताएका छन् । यस्तै कार्यक्रमलाई सम्बोधन गर्दै वडा नम्बर ६ कर्कचका वडा अध्यक्ष प्रत्यासी पवनकुमार ठाकुरले बिधालयले सोचे अनुसारको शिक्षण कार्यक्रम गराउदै आएकोमा खुसी व्यक्त गरेका छन् ।

कार्यक्रममा विभिन्न वडा अध्यक्षहरु, श्री जय किसान माध्यमिक बिधालयका प्रधानाध्यापक संजय शाह, वडा नम्बर ९ धरहरीका प्रधानाध्यापक संजीवकुमार गुप्ता, वडा नम्बर ७ का सह-प्रधानाध्यापक राजिवकुमार कुशवाहा, ७ का शिक्षिका पृतीकुमारी साह, ८ का शिक्षिका सरिता रजक, ८ का कार्यालय सहयोगी निराजन चौरसिया, नहरीनाथ गाउँपालिका कालिकोटका शिक्षक अर्जुनबहादुर सहकारी, लालबन्दी नपा-१४ का शिक्षिका सुस्मिताकुमारी गोले, बौद्धिमाइ नपा-२ का शिक्षिका पुस्पा देवी पटेल तथा रौतहट पब्लिक स्कुलका शिक्षक शिक्षिकाहरु, जनप्रतिनिधिहरु तथा अभिभावकहरुको उपस्थिति रहेको थियो ।