हेटौंडामा ट्रान्समिटरमा काम गर्ने क्रममा करेन्ट लागेर युवकको मृत्यु

हेटौंडा, माघ ८ गते । आज दिउँसो करिब १४:०० बजेको समयमा जिल्ला मकवानपुर, हेटौडा उपमहानगरपालिका–१७ सानोगङटे स्थित विद्युत् ट्रान्समिटरमा काम गर्ने क्रममा करेन्ट लागेर एक युवक गम्भीर घाइते भएका छन्।

करेन्ट लागी गम्भीर घाइते भएका मनहरी गाउँपालिका–५ बसन्तपुर निवासी वर्ष अन्दाजी २७ का निरज भन्ने आदर्श भट्टराईलाई तत्काल उपचारका लागि हेटौडा अस्पताल ल्याइएको थियो। तर उपचारकै क्रममा सोही दिन १४:४५ बजे उनको मृत्यु भएको अस्पतालले जनाएको छ।

घटनाबारे आवश्यक अनुसन्धान भइरहेको सम्बन्धित निकायले जनाएको छ।