बस्तीपुर जेसीज मनहरीको १६ औँ स्थापना दिवसमा अन्तरक्रिया तथा दीप प्रज्वलन

बस्तिपुर, फागुन २८ गते । बस्तीपुर जेसीज मनहरीले आफ्नो १६ औँ स्थापना दिवसको अवसरमा अन्तरक्रिया तथा दीप प्रज्वलन कार्यक्रम आयोजना गरी मनाएको छ।

सन् २०११ मा हेटौंडा जेसीजको मातृत्वमा स्थापना भएको बस्तीपुर जेसीज मनहरीले यस वर्ष १६ औँ वसन्त पार गरेको हो। स्वर्गीय गणेश प्रसाद भेटवालको अध्यक्षतामा स्थापना भएको यस शाखालाई हाल वर्ष २०२६ का अध्यक्ष जेसी सुरज बर्तौलाले नेतृत्व गर्दै अगाडि बढाइरहेका छन्।

स्थापना दिवसको अवसरमा आयोजित कार्यक्रममा निर्मल बहुमुखी क्याम्पसका प्रमुख तथा बस्तीपुर जेसीज मनहरी वर्ष २०२६ का बोर्ड सल्लाहकार सुभाष चन्द्र कँडेलको प्रमुख आतिथ्यता रहेको थियो। जेसी सुशील सापकोटाको संयोजकत्वमा सम्पन्न कार्यक्रममा शाखा अध्यक्ष जेसी सुरज बर्तौलाको सभाध्यक्षता रहेको थियो भने निवर्तमान अध्यक्ष तथा वर्ष २०२४ का अध्यक्षसहित विभिन्न पदाधिकारीहरूको उपस्थिति रहेको थियो।

कार्यक्रममा संस्थापक अध्यक्ष स्वर्गीय गणेश प्रसाद भेटवालको सम्झनामा दीप प्रज्वलन समेत गरिएको थियो। कार्यक्रममा जेसीजकर्मीहरूले संस्थाको स्थापना, योगदान र आगामी योजनाबारे अन्तरक्रिया गर्दै शाखालाई अझ सक्रिय र प्रभावकारी बनाउँदै लैजाने प्रतिबद्धता व्यक्त गरेका थिए।