नारायणगढ–बुटवल सडक ढिलाइप्रति गृहमन्त्री गुरुङ असन्तुष्ट, १५ दिनभित्र काम सक्ने ठेकेदारको प्रतिबद्धता

चितवन,बैशाख १ गते । नारायणगढ–बुटवल सडक खण्डको निर्माण कार्यमा भएको ढिलाइप्रति गृहमन्त्री सुधन गुरुङले असन्तुष्टि जनाएका छन्। स्थलगत अनुगमनका क्रममा उनले निर्माण कार्य सुस्त हुँदा यात्रुहरूले सास्ती खेप्नुपरेको, आवागमन प्रभावित भएको र दुर्घटनाको जोखिम बढेको बताएका छन्।

गृहमन्त्री गुरुङले सडक निर्माण कार्य अलपत्र पार्नु अस्वीकार्य भएको उल्लेख गर्दै निर्धारित समयभित्रै गुणस्तरीय काम सम्पन्न गर्न चिनियाँ ठेकेदार कम्पनीलाई कडा निर्देशन दिएका छन्। उनले ढिलासुस्ती नगरी कामलाई तीव्र गतिमा अघि बढाउनुपर्नेमा जोड दिए।

अनुगमनका क्रममा ठेकेदार कम्पनीले भने अबको १५ दिनभित्र निर्माण कार्य सम्पन्न गर्ने प्रतिबद्धता जनाएको छ। गृहमन्त्री गुरुङले उक्त प्रतिबद्धता कार्यान्वयनमा ध्यान दिन चेतावनी दिँदै जनताले भोगिरहेको सास्तीलाई शीघ्र अन्त्य गर्न आग्रह गरेका छन्।