हेटौंडा १७ मा ७ दिने अचार बनाउने तालिम सम्पन्न

हेटौंडा। हेटौंडा उपमहानगरपालिका १७ नम्बर वडामा ७ दिने अचार बनाउने तालिम सम्पन्न भएको छ। टेस्टी अचार उधोग हेटौंडा २ को आयोजना वैशाख २१ गते देखि २७ गते सम्म कार्यक्रम गरिएको हो ।

प्रशिक्षक सुचला श्रेष्ठले तालिममा खुर्सानी,रुखकटर,कागती ,मेथी ,टुसा उमारेको मेथी,च्याउको अचार बनाउन सिकाएका थिए। यस तालिममा १६ जना महिलाहरुको सहभागिता रहेको थियो।

रिया श्रेष्ठको सभाध्यतामा भएको समापन कार्यक्रममा हेटौंडा उपमहानगरपालिका वडा नम्बर १७ को वडा अध्यक्षको प्रमुख आतिथ्यता रहेको थियो। कार्यक्रममा सहकारी तथा उद्योग शाखा प्रमुख हेम प्रसाद पौडेल ,साना किसान सहकारी संस्था अध्यक्ष कमला श्रेष्ठ ,ग्रामीण बहुउद्देश्यीय सहकारी संस्था अध्यक्ष प्रतिमा श्रेष्ठ ,सहकारी हस्पिटल अध्यक्ष नरोतम श्रेष्ठ ,उद्योग वाणिज्य संघ निवर्तमान महिला सभापति निलम वैध लगायतको उपस्थिति रहेको थियो।

साना किसान कृषि सहकारीको आयोजना तथा हेटौंडा उपमहानगरपालिकाको आर्थिक सहयोगमा आज देखि जेष्ठ १ गते सम्म सोही स्थानमा आय आर्जन मुलक अचार बनाउने ५ दिने तालिम पनि सुरु भएको छ।