जिल्ला युवा समितिद्वारा २ दिने महिला आत्मरक्षा तालिम सम्पन्न

हेटौंडा । जिल्ला युवा समिति, मकवानपुरद्वारा महिला आत्मरक्षा तालिम कार्यक्रम आज सम्पन्न भएको छ ।

दुई दिने महिला आत्मरक्षा तालिम कार्यक्रममा ४५ जनाको महिलाहरुको उपस्थिति रहेको थियो ।कार्यक्रममा लैङ्गिक हिंसालाई न्युनिकरण गर्ने, महिला माथि हुने दुरव्यवहार महिला अधिकार, महिला आत्मरक्षा जस्ता सम्बन्धी क्रियाकलाप समेत गराएको छ ।

कार्यक्रममा प्रमुख अतिथि मकवानपुर जिल्ला समवन्वय समिति प्रमुख ललित बहादुर घलान, विशिष्ट अतिथि बागमती प्रदेश युवा परिषद उपाध्यक्ष सन्तोष चौलागाईं, सेल्फ डिफेन्सका प्रशिक्षक प्रमुख सुजाता भुजेल, सेल्फ डिफेन्सका प्रशिक्षक साहयक रुपा दाहाल उपस्थित रहेको थियो । जिल्ला युवा समिति, मकवानपुर अध्यक्ष सुमन पाख्रीनको सभाध्यक्षतामा कार्यक्रम सम्पन्न भएको छ ।