नेपाल कुरियर सेवा संघको प्रथम अधिवेशन सम्पन्न, ११ कार्यसमिति चयन

हेटौंडा । नेपाल कुरियर सेवा संघ वागमती प्रदेशको प्रथम अधिवेशन सम्पन्न भएको छ । संघको शनिबार हेटौंडामा प्रथम अधिवेशन सम्पन्न भएको हो ।

अधिवेशनले विनोद बहादुर पाख्रीनको नेतृत्वमा ११ सदस्यीय कार्यसमिति चयन गरेको छ । जसमा अधिवेशनबाट उपाध्यक्षद्वय अर्पण बाबू सुवेदी र केदारनाथ गौतम, सचिव पदमा राम प्रसाद पुडासैनी, सहसचिवमा श्री भद्र खनाल, कोषाध्यक्षमा कर्णराज गौतम, सदस्यमा क्रमशः कपिल कुमार श्रेष्ठ, प्रेम बहादुर नेपाल, प्रवल भट्टराई, आईतसिं गुरुङ र दिपक प्रसाद खनाल चयन भएका छन्।

नेपाल कुरियर सेवा संघ केन्द्रीय उपाध्यक्ष अनिल राज भण्डारीको प्रमुख आतिथ्यता रहेको कार्यक्रममा संघको केन्द्रीय उपाध्यक्ष सञ्जय मण्डलको र संघको केन्द्रीय सदस्य किरण थापा लगायतको सहभागी थिए । त्यस्तै, संघको तदर्थ समिति अध्यक्ष पाख्रीनको सभाध्यक्षतामा अधिवेशन सम्पन्न भयो ।