दोलखामा अवैध सुन ओसारपसार काण्डमा ५ जना अभियुक्त सार्वजनिक, अनुसन्धानका लागि ८ दिनको म्याद थप

दोलखा । दोलखा जिल्लामा सुन प्रकरण काण्डमा थप दुई जना प्रकाउ परेका छन् । प्रहरीले बिहीबार पत्रकार सम्मेलन गरी थप दुईजनासहिद ५ जना अभियुक्त सार्वजनिक गरेको हो ।

जसमा विगु गाउँपालिका–१ का २८ बर्षिय केशर तामाङ, १८ बर्षिय पेम्बा तामाङ, २० बर्षिय माधव मगर, ५५ वर्षिय नुर्वछिरिङ शेर्पा र ३० वर्षिय सुनमाला तामाङ रहेका छन् । बुधबार बेलुका विगु गाउँपालिका ३ जामुने स्थित सिता तामाङको घरमा डेरा बस्ने बिगु १ घर भएका २८ वर्षका केशर तामाङ समेतले अवैध रूपमा सुन तस्कर गरी ल्याई लुकाई छिपाई राखेको भन्ने गोप्य सुचनाको आधारमा प्रहरीले प्रकाउ गरेको थियो ।

‌राती ८ बजेको समयमा जिल्ला प्रहरी कार्यालय दोलखाका कार्यालय प्रमुख प्रहरी नायब उपरीक्षक दिपक खड्का र ईलाका प्रहरी कार्यालय सिंगटी दोलखाका कार्यालय प्रमुख प्रहरी निरीक्षक विक्रम लामा समेत १५ जनाको प्रहरी टोली खटिइ तिन जनालाई प्रकाउ गरेको थियो । नुर्वु छुरीङ शेर्पा र सुनमाला तामाङलाई आज दिउँसो भिमेश्वर नगरपालिका वडा नं ६ स्थित एक होटलमा बसेको अवस्थामा प्रकाउ गरेको हो। उनिहरुलाई भन्सार ऐन २०६४ तथा संङगठीत अपराध निवारण ऐन २०७० अन्तगर्त मुद्दाना सम्मानित दोलखा जिल्ला अदालतबाट ८ दिनको म्याद थप गरि अनुसन्धान भइरहेको पत्रकार सम्मेलन गरी जनाकारी दिइएको छ ।

बरामद भएको सुनको मुल्य बिहिवारको बजार मुल्य अनुसार ३ करोड ७७ लाख ४७ हजार ८०५ रुपैयाँ रहेको छ । उक्त धातु सुन हो या होईन भन्ने एकिन गर्न लागि सदरमुकाम चरिकोट मा कुनै पनि मेसिन नभएको हुँदा सम्बन्धी निकायमा पठाउने कार्य भएको छ।

उता आईतबारबाट चीनको रोङजिया र कोल्दुम नाका चीनले एक साताका लागि खोलिदिएको थियो । तर अबैध रुपमा भित्रीएको सुन चिनबाटै हुन सक्ने अनुमान गरिएको छ।