खुम्बु क्षेत्र भ्रमणमा आएका एक विदेशी नागरिकको लेक लागेर मृत्यु

सोलुखुम्बुको खुम्बु क्षेत्र भ्रमणमा आएका एक विदेशी नागरिकको लेक लागेर मृत्यु भएको छ । खुम्बु पासाङल्हामु गाउँपालिका–४ गोरक्सेपमा स्लोभाकियाका एक पुरुषको ज्यान गएको जिल्ला प्रहरी कार्यालय सोलुखुम्बुले जनाएको छ ।

मौसम प्रतिकूल हुँदा शवको उद्धार तथा पहिचानमा समस्या भएको छ । खुम्बु क्षेत्रमा अहिले हिमपात भइरहेको खुम्बु पासाङल्हामु गाउँपालिका ४ का वडाध्यक्ष लक्ष्मण अधिकारीले बताउनुभयो । यस क्षेत्रमा सञ्चार सेवासमेत प्रभावित हुँदा समस्या भएकाे जिल्ला प्रहरी कार्यालय सोलुखुम्बुले जनाएको छ ।